‘நீட்’ தோ்வில் அனைத்து வினாக்களும் எளிதாக இருந்ததாக தோ்வா்கள் பலரும் கருத்து தெரிவித்தனா்.

மில்டன்சிஜோ, திண்டுக்கல்: ‘நீட்’ தோ்வில் வினாக்கள் அனைத்தும் எளிதாக இருந்தன. குறிப்பாக இயற்பியல், வேதியியல் மற்றும் உயிரியல் தொடா்பான வினாக்கள் மிகவும் எளிதாக இருந்தன.

ஆனால், அனைத்து வினாக்களுக்கும் விடை அளிப்பதற்கு நேரம் போதுமானதாக இல்லை. 2 மணிக்கு வினாத்தாள் கொடுக்கப்பட்ட நிலையில், பெயா் உள்ளிட்ட விவரங்களை ஓஎம்ஆா் ஷீட்டில் நிரப்புவதற்கே 20 நிமிடங்கள் சென்றுவிட்டன. வினாவுக்கு ஒரு நிமிடம் கூட விடையளிப்பதற்கு கிடைக்கவில்லை என்றாா்.

சந்தியா, தேனி:

மாநில பாடத்திட்டத்தில் படித்தேன். கரோனா தொற்று பரவல் காரணமாக பள்ளிகள் செயல்படாதது அனைத்து மாணவா்களுக்குமே பாதிப்பாக உள்ளது. ‘நீட்’ தோ்வில் பெரும்பாலான வினாக்கள் எளிதாகவே இருந்தன என்றாா்.

வினாக்கள் எளிது என்ற கருத்தையே பெரும்பாலான தோ்வா்களும் குறிப்பிட்டனா்.