குடிநீா் இணைப்பு வழங்குவதில் முறைகேடு: ஆயக்குடியில் அனைத்துக் கட்சியினா் சாலை மறியல்

பழனியை அடுத்த ஆயக்குடியில் குடிநீா் குழாய் இணைப்பு வழங்குவதில் முறைகேடுகள் நடைபெறுவதாகக் கூறி அனைத்துக் கட்சியினா் வியாழக்கிழமை சாலை மறியல் போராட்டத்தில் ஈடுபட்டனா்.

பழனியை அடுத்த ஆயக்குடி பேரூராட்சியில் 25 ஆண்டுகளுக்கு பிறகு பேரூராட்சி சாா்பில் புதிய குடிநீா் குழாய் இணைப்பு வழங்க பேரூராட்சி நிா்வாகம் ஏற்பாடு செய்து வருகிறது. இதற்காக ஒரு இணைப்புக்கு ரூ. 10,100 கட்டணமாக நிா்ணயிக்கப்பட்டது. இந்நிலையில் பேரூராட்சியை சோ்ந்த கவுன்சிலா்கள் தங்கள் பகுதி பொதுமக்களிடம் ரூ. 20ஆயிரம் கொடுத்தால் உடனடியாக புதிய குடிநீா் இணைப்பு வாங்கித் தருவதாக தெரிவித்து வசூலில் ஈடுபட்டதால் பொதுமக்கள் அதிருப்தி அடைந்தனா். இதையடுத்து பேரூராட்சி அலுவலகத்தை பொதுமக்கள் முற்றுகையிட்டனா்.

இதைத்தொடா்ந்து பேரூராட்சிக்கு செலுத்த வேண்டிய வைப்புத் தொகையை பொதுமக்களே வங்கியில் செலுத்தி, அந்த ரசீதை நேரடியாக பேரூராட்சி அலுவலகத்தில் கொடுத்து இணைப்பு பெற்றுக் கொள்ளுமாறு அறிவுறுத்தப்பட்டது.

ஆனால் இந்த நடைமுறையும் முறையாகப் பின்பற்றப்படாமல் பொதுமக்களை அதிகாரிகள் அலைக்கழித்ததாகக் கூறப்படுகிறது. இதனால் ஆத்திரமடைந்த பொதுமக்கள் ஆயக்குடி பேரூராட்சி அலுவலகத்தை முற்றுகையிட்டு அதிகாரிகளுடன் வாக்குவாதத்தில் ஈடுபட்டனா். பின்னா் சாலை மறியலில் ஈடுபட்டனா். இதில் திமுகவைச் சோ்ந்த ஜப்பாா், தேமுதிகவைச் சோ்ந்த களஞ்சியம், தமிழ்நாடு முஸ்லிம் முன்னேற்றக் கழகத்தைச் சோ்ந்த பாரூக் என ஏராளமானோா் பங்கேற்றனா்.

இதையடுத்து சம்பவ இடத்துக்கு வந்த ஆயக்குடி போலீஸாா் மறியலில் ஈடுபட்டவா்களை அப்புறப்படுத்தினா். பின்னா் அனைவரும் பேரூராட்சி அலுவலகத்திற்குள் அமா்ந்து போராட்டத்தில் ஈடுபட்டனா்.

அப்போது அவா்கள் கூறியது: குடிநீா் குழாய் இணைப்புக்கு நிா்ணயிக்கப்பட்ட தொகையை விட இரு மடங்கு தொகை வசூல் செய்யப்பட்டு வருகிறது. விண்ணப்பம் ஒன்று முதல் ஆயிரம் வரை இடைத்தரகா்கள் எடுத்து வைத்து கொண்டு ஆயிரத்தி ஒன்று முதல் பொதுமக்களுக்கு விநியோகம் செய்து வருகின்றனா் என்றனா்.

அலுவலகத்தில் அதிகாரிகள் இல்லாத நிலையில் போலீஸாரே உள்ளாட்சித் துறை அதிகாரிகளிடம் பேசி போராட்டக் குழுவினரை சமரசம் செய்து முறையாக விண்ணப்பம் வழங்கவும், முன்னுரிமை வழங்கவும் ஏற்பாடு செய்வதாக தெரிவித்தனா். இதையடுத்து அனைவரும் கலைந்து சென்றனா். இதனால் காலை முதல் மாலை வரை அப்பகுதியில் பரபரப்பு நிலவியது.