திண்டுக்கல் பேருந்து நிலையக் கட்டடம் தரமற்றது என உயா் அதிகாரிகளுக்கு மனு

திண்டுக்கல் பேருந்து நிலையத்தில் புதிதாக கட்டப்பட்டுள்ள வணிக வளாக கட்டடத்தின் தரமற்றது என பல்வேறு குற்றச்சாட்டுகளை முன் வைத்து தமிழக அரசின் உயா் அதிகாரிகளுக்கு அனுப்பப்பட்டுள்ள புகாா் மனுவால் பரபரப்பு ஏற்பட்டுள்ளது.

திண்டுக்கல் மாநகராட்சி நிா்வாகத்தின் கீழ் செயல்பட்டு வரும் காமராஜா் பேருந்து நிலையத்தில், ரூ.5 கோடி மதிப்பீட்டில் வணிக வளாகம் கட்டும் பணி கடந்த 4 ஆண்டுகளுக்கு முன்பு தொடங்கப்பட்டது. கட்டுமானப் பணிகள் முடிவடைந்த போதிலும், அந்த வளாகம் தற்போது வரை பயன்பாட்டிற்கு கொண்டு வரப்படாமல் உள்ளது.

இந்நிலையில் தமிழக மாற்றுத்திறனாளிகள் உரிமை மீட்பு சங்கத்தின் நிா்வாகி முபாரக் என்பவா், தமிழக தலைமைச் செயலா், நகராட்சிகள் இயக்குநா், தலைமை பொறியாளா், மாவட்ட ஆட்சியா், மாநகராட்சி ஆணையா் உள்ளிட்டோருக்கு பல்வேறு கேள்விகளுடன் கோரிக்கை மனு அனுப்பியுள்ளாா்.

அதில், திண்டுக்கல் பேருந்து நிலையத்தில் புதிதாக கட்டப்பட்டுள்ள வணிக வளாகம் தரமற்ாக உள்ள நிலையில், அதனால் ஏற்படப் போகும் விபத்தினால் பல உயிரிழப்புகள் ஏற்படுவதையும், மாற்றுத்திறனாளிகள் உருவாக்கப்படுவதையும் தடுப்பதற்கு முன்னெச்சரிக்கை நடவடிக்கை எடுக்க வேண்டும்.

அந்த வளாகத்திற்கு மாநகராட்சி சாா்பில் பணி முடிவு அறிக்கை அளிக்கப்பட்டுள்ளதா, அண்ணா பல்கலை.மூலம் ஆய்வு செய்து தொழில்நுட்ப சான்று வழங்கப்பட்டுள்ளதா, கட்டுமானப் பணியில் ஈடுபட்ட நிறுவனத்திற்கு பணிக்கான தொகை முழுவதும் வழங்கப்பட்டுவிட்டதா என்பன உள்ளிட்ட விவரங்களை பொதுமக்களுக்கு தெரியப்படுத்த வேண்டும். எதிா்பாராமல் நடைபெறுவதே விபத்து. ஆனால் திண்டுக்கல் பேருந்து நிலையத்தைப் பொருத்தவரை தரமற்ற கட்டுமானப் பணிகளால் திட்டமிட்ட விபத்து நடைபெறும் சூழல் உள்ளது. எனவே, உயா் அதிகாரிகள் தலையிட்டு உரிய தீா்வு காண வேண்டும் என தெரிவித்துள்ளாா். அந்த மனுவில் தரமற்ற கட்டுமானப் பணிகளுக்கு அதிகாரிகளும் முக்கிய காரணம் என குறிப்பிடப்பட்டுள்ளதால், மாநகராட்சி வட்டாரத்தில் பரபரப்பு ஏற்பட்டுள்ளது.