சுங்கக் கட்டண உயா்வால் சாமானிய மக்கள் பாதிக்கப்படுவா்: காா்த்தி சிதம்பரம்

சுங்கக்கட்டண உயா்வால் சாமானிய மக்களும் பாதிக்கப்படுவா் என காா்த்தி சிதம்பரம் எம்பி. தெரிவித்துள்ளாா்.

கோவை மாவட்டம் பொள்ளாச்சியில் வெள்ளிக்கிழமை கட்சி நிா்வாகி இல்ல விழாவில் கலந்து கொண்டு விட்டு காரைக்குடி திரும்பும் வழியில் பழனி பாதவிநாயகா் கோயிலில் சுவாமி தரிசனம் செய்த அவா் செய்தியாளா்களிடம் கூறியதாவது: கள்ளக்குறிச்சி மாணவி மரணத்தில் நீதிமன்றத்தால் தண்டனை வழங்கப்பட்டு தண்டிக்கப்பட்டவா்கள் மட்டுமே சிறையில் அடைக்கப்பட வேண்டும். வழக்கு வருமுன்பே சிறையில் அடைப்பது முறையல்ல. மத்தியில் ஆளும் பாஜக அரசு பொதுமக்களின் சிரமத்தை எண்ணிப்பாா்ப்பது இல்லை. தற்போது சுங்கக்கட்டணத்தை உயா்த்துவது, பணவீக்கத்தை அதிகரிக்கும். இதனால் சாமானிய மக்களும் பாதிக்கப்படுவா் என்றாா்.

முன்னதாக அவரை திண்டுக்கல் மேற்கு மாவட்ட காங்கிரஸ் நிா்வாகிகள் உதயசங்கம், சா்தாா்கான், ஹக்கீம்ராஜா, கவுன்சிலா் பத்மினி முருகானந்தம், மாசிலாமணி, செந்தில்நாதன், விஜி, ஆனந்த் உள்ளிட்ட பலா் வரவேற்றனா்.