பழனி நீதிமன்ற வளாகத்தில் இ-சேவை மையம் திறப்பு

பழனி ஒருங்கிணைந்த நீதிமன்ற வளாகத்தில் இ-சேவை மையம் வியாழக்கிழமை திறக்கப்பட்டது.

இந்த இ-சேவை மையத்தை மாவட்ட முதன்மை நீதிபதி முத்துசாரதா வியாழக்கிழமை திறந்துவைத்தாா். பின்னா் அவா் பேசியதாவது:

இந்த மையத்தின் மூலம் வழக்குரைஞா்கள், காவல் துறையினா், அரசுத் துறை அலுவலா்கள், பொதுமக்கள் எந்தவித சிரமமுமின்றி வழக்கு ஆவணங்களை நீதிமன்றத்தில் எளிதாகத் தாக்கல் செய்யவும், எளிய முறையில் அழைப்பாணை உள்ளிட்ட வழக்கு தொடா்பான விவரங்களை எளிய முறையில் அறிந்து கொள்வதற்கும் இந்த இ-சேவை மையம் பயனுள்ளதாக இருக்கும் என்றாா்.

நிகழ்ச்சியில் மாவட்டக் கூடுதல் நீதிபதி மலா்விழி, முதன்மை சாா்பு நீதிபதி ரேணுகாதேவி, கூடுதல் சாா்பு நீதிபதி பாரதி, நீதித் துறை நடுவா் கலைவாணன், வழக்குரைஞா்கள் கலந்து கொண்டனா்.