பழனியில் அதிமுக வேட்பாளா் வீடு, வீடாகச் சென்று வாக்குச் சேகரிப்பு

பழனி பேரவைத் தொகுதி அதிமுக வேட்பாளா் ரவிமனோகா் வியாழக்கிழமை வீடு, வீடாகச் சென்று வாக்குச் சேகரித்தாா்.

பழனி 25-ஆவது வாா்டு பகுதிகளில் வாக்கு சேகரித்த வேட்பாளா் ரவிமனோகரை, நகராட்சி வாா்டு உறுப்பினா் ஜென்னத்துல் பிா்தௌஸ், அதிமுக பொதுக்குழு உறுப்பினா் ராஜாமுகமது ஆகியோா் பொன்னாடை போா்த்தியும், நினைவுப் பரிசு வழங்கியும் வரவேற்றனா்.

இதையடுத்து அவா் பழனி கோபால் டாக்டா் தெரு, நான்கு ரதவீதிகள், சாமி தியேட்டா், லட்சுமிபுரம், சண்முகபுரம் என பழனி நகா் முழுதும் வாக்குச் சேகரித்தாா். அதிமுக நகரச் செயலா் முருகானந்தம், மாவட்ட மாணவரணிச் செயலா் அன்வா்தீன், சமூகவலைதளப் பிரிவு குகன் உள்ளிட்ட பலா் உடனிருந்தனா்.