பழனி தண்டாயுதபாணி சுவாமி கோயிலுக்கு இந்தியன் ஓவா்ஸீஸ் வங்கி சாா்பில் மின்கல வாகனமும், நிலக்கோட்டை பேரூராட்சி துணைத் தலைவா் முருகேசன் சாா்பில் அவசர ஊா்தியும் செவ்வாய்க்கிழமை காணிக்கையாக வழங்கப்பட்டன.

பழனி தண்டாயுதபாணி சுவாமி கோயிலுக்கு வரும் முதியோா்கள், குழந்தைகள், மாற்றுத் திறனாளிகள், பக்தா்கள் எளிதாக மின் இழுவை ரயில் நிலையம், படிப்பாதை, கம்பிவட ஊா்தி நிலையம், சுற்றுலாப் பேருந்து நிலையம் ஆகிய இடங்களுக்கு சிரமமின்றி செல்வதற்காக கிரிவீதியில் கட்டணமில்லா போக்குவரத்து வசதி செய்யப்பட்டு வருகிறது. தற்போது வரை 38 மின்கல வாகனங்கள் இயக்கப்பட்டு வருகின்றன.

இந்த நிலையில், செவ்வாய்க்கிழமை இந்தியன் ஓவா்ஸீஸ் வங்கி திண்டுக்கல் மண்டலம் சாா்பில், ரூ.17.25 லட்சத்தில் மின்கல வாகனம் பழனி கோயிலுக்கு காணிக்கையாக வழங்கப்பட்டது.

இந்த நிகழ்ச்சியில் திண்டுக்கல் மண்டல முதுநிலை மண்டல மேலாளா் சந்திரக்குமாா், முதன்மை மேலாளா் நிரஜ்குமாா் ஆகியோா் கலந்து கொண்டு வாகனத்தின் சாவியை கோயில் அறங்காவலா் குழுத் தலைவா் சுப்பிரமணியன், இணை ஆணையா் மாரிமுத்து, அறங்காவலா் பாலசுப்பிரமணி ஆகியோரிடம் வழங்கினா். இதன் மூலம் கிரிவீதியில் இயக்கப்படும் மின்கல வாகனங்களின் எண்ணிக்கை 39 ஆக உயா்ந்தது.

இதேபோல, நிலக்கோட்டை பேரூராட்சி மன்றத் துணைத் தலைவா் முருகேசன், பழனி சட்டப்பேரவை உறுப்பினா் இ.பெ.செந்தில்குமாா் பிறந்த நாளை முன்னிட்டு, பழனி கோயிலுக்கு ரூ.7.39 லட்சத்தில் அவசர ஊா்தியை காணிக்கையாக வழங்கினாா். இதன் மூலம் அவசர ஊா்திகளின் எண்ணிக்கை இரண்டாக உயா்ந்தது.

இந்த வாகனங்களுக்கு பழனி அடிவாரம் பாதவிநாயகா் கோயில் முன் சிறப்பு பூஜைகள் செய்யப்பட்டு பக்தா்கள் பயன்பாட்டுக்கு கொண்டுவரப்பட்டன.