மதுரை மாவட்டம், திருமங்கலத்தில் செப்டம்பர் 18 ஆம் தேதி (செவ்வாய்க்கிழமை) மின்நுகர்வோர் குறைதீர்க்கும் கூட்டம் நடைபெறுகிறது.
இது குறித்து தமிழ்நாடு மின் உற்பத்தி மற்றும் பகிர்மானக் கழக மதுரை மின்பகிர்மான மேற்பார்வையாளர் ஜா. பிரீடா பத்மினி விடுத்துள்ள செய்திக் குறிப்பு:
திருமங்கலம் கோட்டத்தைச் சேர்ந்த மின்நுகர்வோர்கள் குறைதீர்க்கும் கூட்டம், திருமங்கலம் செயற்பொறியாளர் அலுவலக வளாகத்தில் காலை 11 மணி முதல் பிற்பகல் 1 மணி வரை நடைபெறுகிறது. மதுரை மின்பகிர்மான மேற்பார்வையாளர் தலைமையில் நடைபெறும் இக் கூட்டத்தில், மின்நுகர்வோர்கள் அனைவரும் பங்கேற்று தங்களது குறைகளை நேரில் தெரிவிக்கலாம் என அதில் குறிப்பிடப்பட்டுள்ளது.