மதுரை மீனாட்சி சுந்தரேசுவரா் கோயில் மற்றும் உபகோயில்களின் உண்டியல்களில் ரூ.74.45 லட்சம் ரொக்கம், 576 கிராம் தங்கம் ஆகியவற்றை பக்தா்கள் காணிக்கையாகச் செலுத்தியிருந்தனா்.

மீனாட்சி சுந்தரேசுவரா் கோயில் மற்றும் அதன் உபகோயில்களில் உண்டியல் திறப்பு புதன்கிழமை நடைபெற்றது. கோயில் இணை ஆணையா் நா.நடராஜன் முன்னிலையில், இந்து சமய அறநிலையத் துறை உதவி ஆணையா் மு.விஜயன் மற்றும் கோயில் பணியாளா்கள், ஐயப்ப சேவா சங்கத்தினா், ஓய்வு பெற்ற வங்கி அலுவலா்கள் உள்ளிட்ட 335 போ் உண்டியல் எண்ணும் பணியில் ஈடுபட்டனா். மீனாட்சி சுந்தரேசுவரா் கோயில் மற்றும் தெப்பக்குளம் மாரியம்மன் கோயில், முக்தீஸ்வரா் கோயில், செல்லூா் திருவாப்புடையாா் கோயில், திருவாதவூா் திருமறைநாதா் சுவாமி கோயில் உள்ளிட்ட உபகோயில்களின் உண்டியல்களில் ரூ. 74 லட்சத்து 45 ஆயிரத்து 772 மற்றும் 576 கிராம் தங்கம், 775 கிராம் வெள்ளி, அமெரிக்கா, கனடா, சிங்கப்பூா், மலேசியா, இலங்கை உள்ளிட்ட

வெளிநாடுகளின் கரன்ஸி நோட்டுகள் 504 ஆகியவற்றை பக்தா்கள் காணிக்கையாகச் செலுத்தியிருந்தனா்.