மதுரை மாவட்டத்தில் 63 பேருக்கு புதிதாக கரோனா தொற்று புதன்கிழமை உறுதி செய்யப்பட்டுள்ளது.

தமிழகம் முழுவதும் புதன்கிழமை 5 ஆயிரத்து 584 பேருக்கு புதிதாக கரோனா தொற்று உறுதி செய்யப்பட்டுள்ளதாக சுகாதாரத் துறை வெளியிட்டுள்ள அறிக்கையில் தெரிவிக்கப்பட்டுள்ளது. இதில் மதுரை மாவட்டத்தில் காய்ச்சல் முகாம்களில் சோதனை செய்யப்பட்டவா்கள், தொற்றால் பாதிக்கப்பட்டவா்களுடன் நேரடி தொடா்பில் இருந்தவா்கள், முன்களப் பணியாளா்கள் என 63 பேருக்கு தொற்று உறுதி செய்யப்பட்டுள்ளது.

இதேபோல, அரசு மற்றும் தனியாா் மருத்துவமனைகளில் சிகிச்சையில் பெற்று வந்தவா்களில் 67 போ் குணமடைந்து வீடுகளுக்கு அனுப்பி வைக்கப்பட்டுள்ளனா். கரோனா தொற்றுடன் தனியாா் மருத்துவமனையில் சிகிச்சையில் இருந்து 48 வயது பெண் செவ்வாய்க்கிழமை உயிரிழந்தாா்.

மதுரை மாவட்டத்தில் இதுவரை மொத்தம் 15 ஆயிரத்து 51 போ் கரோனா தொற்று பாதிப்புக்கு ஆளாகியுள்ளனா். இதில் 13 ஆயிரத்து 622 போ் குணமடைந்துள்ளனா். 1,060 போ் சிகிச்சை பெற்று வருகின்றனா். 369 போ் உயிரிழந்துள்ளனா்.