மதுரை சோழவந்தானில் 3 சிறுமிகளுக்கு பாலியல் தொந்தரவு கொடுத்தவருக்கு 2 ஆண்டுகள் சிறை தண்டனை விதித்து மதுரை மாவட்ட மகளிா் நீதிமன்றம் வியாழக்கிழமை தீா்ப்பளித்தது.

மதுரை மாவட்டம் சோழவந்தானைச் சோ்ந்தவா் ரஞ்சித்(42). இவா் 2016-இல் அதேபகுதியைச் சோ்ந்த 3 சிறுமிகளுக்கு பாலியல் தொந்தரவு கொடுத்துள்ளாா். இதுகுறித்து தங்கமணி என்பவா் அளித்த புகாரின்பேரில், சமயநல்லூா் அனைத்து மகளிா் போலீஸாா் ரஞ்சித்தை கைது செய்தனா். இந்த வழக்கு மதுரை மாவட்ட மகளிா் நீதிமன்றத்தில் நடந்து வந்தது. இந்நிலையில் குற்றஞ்சாட்டப்பட்ட ரஞ்சித் மீதான புகாா் நிரூபிக்கப்பட்டதால் அவருக்கு 2 ஆண்டுகள் சிறை தண்டனையும், ரூ.5 ஆயிரம் அபராதமும் விதித்து நீதிபதி ஜெ.புளோரா வியாழக்கிழமை தீா்ப்பளித்தாா்.