தமிழகம், புதுச்சேரி மண்டல அளவிலான நீச்சல் போட்டியில் மதுரை வீரா், வீராங்கனைகள் பதக்கம் வென்று தென்னிந்திய நீச்சல் போட்டிக்கு தகுதி பெற்றனா்.

தமிழகம், புதுச்சேரி மண்டல அளவிலான நீச்சல் போட்டிகள் பொள்ளாச்சியில் நடைபெற்றது. இதில் 300-க்கும் மேற்பட்ட வீரா் வீராங்கனைகள் பங்கேற்றனா். இப்போட்டியில் மதுரை விகாசா பள்ளி மாணவி ரோஷினி 200 மீட்டா், 100 மீட்டா் பட்டா்பிளை பிரிவில் தங்கம், 200 மீட்டா் பேக் பிரிவில் தங்கம் என மூன்று பதக்கங்கள் பெற்று தனி நபா் சாம்பியன் பட்டம் பெற்றாா். அதே பள்ளியைச் சோ்ந்த மாணவா் சிவபாலன் 50 மீட்டா் ப்ரி ஸ்டைலிலில் தங்கம், 50 மீட்டா் பேக் ஸ்டோக் பிரிவில் வெள்ளி, 100 மீட்டா் பேக் ஸ்டோக் பிரிவில் வெண்கலம் என மூன்று பதக்கங்கள் பெற்றாா். லெட்சுமி பள்ளி மாணவா் ஹேமா காா்த்திகேயன் 200 மீட்டா் பட்டா்பிளை பிரிவில் தங்கம், 50 மீட்டா் பட்டா்பிளைபிரிவில் தங்கம் , 50 மீட்டா் பேக் ஸ்டோக் பிரிவில் தங்கம் என மூன்று பதக்கங்கள் பெற்று தனிநபா் பட்டம் பெற்றாா்.

ஏ.ஜே. பள்ளி மாணவா் ரிஷிவா்சன் 100 மீட்டா் ப்ரிஸ்டைல் பிரிவில் வெண்கலப் பதக்கம் வென்றாா்.போட்டியில் வெற்றி பெற்ற வீரா்களை மதுரை மாவட்ட நீச்சல் சங்கச் செயலா் என்.கண்ணன், துணைத்தலைவா் டி.சிவபாலன்,பொருளாளா் ஜி.அமிா்தராஜ், பயிற்சியாளா் ஜி.நாகராஜ் ஆகியோா் பாராட்டினா். முதல் இரண்டு இடங்களை பிடித்த நீச்சல் வீரா்கள் ரோஷினி, சிவபாலன், ஹேமா காா்த்திகேயேன் ஆகியோா் செப்டம்பா் மாத இறுதியில் பெங்களூருவில் நடைபெறும் தென்னிந்திய அளவிலான நீச்சல் போட்டியில் கலந்து கொள்ள தகுதி பெற்றனா்.