நாட்டுத் துப்பாக்கியுடன் 4 போ் கைது

விருதுநகா் மாவட்டம், காரியாபட்டி அருகே நாட்டுத் துப்பாக்கி வைத்திருந்தது தொடா்பாக 4 பேரை போலீஸாா் வியாழக்கிழமை கைது செய்தனா்.

காரியாபட்டி அருகே ஆவியூா் காவல் சாா்பு- ஆய்வாளா் வீரணன் தலைமையிலான போலீஸாா் புதன்கிழமை இரவு ரோந்துப் பணியில் ஈடுபட்டனா். அப்போது, குரண்டி கிராமத்தைச் சோ்ந்த பெரியசாமி மகன் பாலமுருகன் (21) வீட்டருகே போலீஸாா் சோதனையிட்டபோது, அவா் நாட்டுத் துப்பாக்கி வைத்திருந்தது தெரியவந்தது. இது குறித்து அவரிடம் போலீஸாா் விசாரணை நடத்தினா். இதில், புல்லூரைச் சோ்ந்த பாதா் வெள்ளை மகன் விஜய் (22) துப்பாக்கி கொடுத்ததாக தெரிவித்துள்ளாா். மேலும், தன்னுடன் புல்லூரைச் சோ்ந்த ஆண்டி மகன் சோணை (24), முருகன் மகன் சிவன் (21) ஆகியோரும் காட்டுப் பன்றிகளை வேட்டையாட நாட்டுத் துப்பாக்கியைப் பயன்படுத்தி வந்ததாகத் தெரிவித்துள்ளாா். இதையடுத்து, நாட்டுத் துப்பாக்கியைப் பறிமுதல் செய்த போலீஸாா், 4 பேரையும் கைது செய்தனா்.