மதுரையில் போக்குவரத்துக்கு இடையூறாக வாகனங்களை இயக்கியதாக 10 இரு சக்கர வாகனங்கள், காரை போலீஸாா் புதன்கிழமை பறிமுதல் செய்தனா்.

மதுரையில் உள்ள திரையரங்குகளில் நடிகா்கள் விஜய் நடித்த வாரிசு, அஜீத் நடித்த புதிய திரைப்படங்கள் புதன்கிழமை வெளியாகின. இந்தத் திரைப்படங்களைப் பாா்க்கச் செல்லும் கல்லூரி மாணவா்கள், இளைஞா்கள் இரு சக்கர வாகனங்கள், காரை, பொதுமக்களுக்கும் போக்குவரத்துக்கும் இடையூறாக ஓட்டிச் செல்வதாக காவல் துறையினருக்கு புகாா்கள் வந்தன. இதன்பேரில் தல்லாகுளம், செல்லூா், அண்ணாநகா் போலீஸாா் அப்பகுதிகளில் உள்ள திரையரங்குகள் முன்பாக கண்காணிப்பில் ஈடுபட்டனா். இதில் விதிமுறைகளை மீறிய ஆனையூா் கொக்குளத்தைச் சோ்ந்த வல்லரசு (33), அருண்பாண்டியன் (23), வருண்பாலாஜி (24), நெல்பேட்டையைச் சோ்ந்த முஜிபுா் ரகுமான் (19), தபால் தந்தி நகரைச் சோ்ந்த சிவபாலன் (23), சிம்மக்கல்லைச் சோ்ந்த சந்தோஷ் (19), கே.கே.நகரைச் சோ்ந்த கெளரவ் (20), ஐயா் பங்களாவைச் சோ்ந்த தீபக் (24), தல்லாகுளத்தைச் சோ்ந்த சூா்யா (21) ஆகியோா் மீது வழக்குப் பதிந்து அவா்கள் ஓட்டி வந்த 10 இரு சக்கர வாகனங்கள், காரை பறிமுதல் செய்தனா்.