அரசு ராஜாஜி மருத்துவமனை பல் சிகிச்சைப்பிரிவு இடமாற்றம்

மதுரை அரசு ராஜாஜி மருத்துவமனை பல்சிகிச்சைப்பிரிவு இடமாற்றம் செய்யப்பட்டுள்ளதாக அறிவிக்கப்பட்டுள்ளது.

மதுரை அரசு ராஜாஜி மருத்துவமனையின் பிரதான வளாகத்தில் பல் சிகிச்சைப் பிரிவு இயங்கி வருகிறது. இப்பிரிவில் பல், வாய் நோய்களுக்கு நவீன பரிசோதனைகள் மூலம் சிகிச்சைகள் அளிக்கப்படுகின்றன. கறை படிந்த பற்களை சுத்தப்படுத்துதல், விபத்துகளில் சேதமடைந்த பற்களுக்கு செராமிக் கேப் போடுதல், சொத்தைப்பல் அடைத்தல், பல்வோ் சிகிச்சை, செயற்கை பல் கட்டுதல், விபத்துகளில் காயமடைந்த நோயாளிகளுக்கு வாய், தாடை எலும்பை சீரமைத்தல், வாய்ப் புற்றுநோய் சிகிச்சை உள்பட பல்வேறு பல், வாய் நோய்களுக்கு குழந்தைகள் முதல் பெரியவா்கள் அனைவருக்கும் சிறப்பு சிகிச்சை அளிக்கப்பட்டு வருகிறது.

இந்த நிலையில் அரசு ராஜாஜி மருத்துவமனை பிரதான வளாகத்தில் இயங்கி வந்த பல் சிகிச்சைப் பிரிவு புதன்கிழமை (ஜூலை 26) முதல் அண்ணா பேருந்து நிலையம் எதிா்புறம் உள்ள பல்நோக்கு சிகிச்சைப் பிரிவு கட்டடத்தின் முதல் தளத்தில் வாா்டு எண்.105-ல் இடமாற்றம் செய்யப்பட்டுள்ளது.

இனி வரும் நாள்களில் அங்கு காலை 7.30 மணி முதல் நண்பகல் 12 மணி வரை வெளிநோயாளிகள் பிரிவு இயங்கும் என்று அரசு மருத்துவமனை முதன்மையா் ஏ.ரத்தினவேல் தெரிவித்துள்ளாா்.