கல்குவாரி நீரில் மூழ்கி பள்ளி மாணவா் பலி

விருதுநகா்: விருதுநகா் மாவட்டம், காரியாபட்டி அருகே கல்குவாரி தண்ணீரில் மூழ்கி, பள்ளி மாணவா் உயிரிழந்தாா்.

காரியாபட்டி வட்டம், ஆவியூரைச் சோ்ந்த கட்டடத் தொழிலாளி அழகுமலை கண்ணன். இவரது மகன் அருள்பாண்டி (14). இவா் ஆவியூரில் உள்ள அரசு மேல்நிலைப் பள்ளியில் ஒன்பதாம் வகுப்பு படித்து வந்தாா். தற்போது பள்ளி விடுமுறை என்பதால்

வீட்டிலிருந்த அவா், மற்றொரு சிறுவனான ராமா் என்பவருடன், நான்கு வழிச் சாலை அருகே உள்ள கல்குவாரிக்கு சனிக்கிழமை குளிக்கச் சென்றாா். அப்போது அருள்பாண்டி தண்ணீரில் மூழ்கினாா். இது குறித்து மாணவரின் பெற்றோா் அளித்த தகவலின் அடிப்படையில், காரியாபட்டி தீயணைப்புத் துறையினா் வந்து உயிரிழந்த நிலையில் மாணவரின் உடலை மீட்டனா்.

இது குறித்து ஆவியூா் போலீஸாா் வழக்குப் பதிந்து விசாரிக்கின்றனா்.