குங்பூ போட்டி: மதுரை மாணவா்கள் சிறப்பிடம்

தேசிய அளவிலான குங்பூ போட்டியில் மதுரை மாவட்டத்தைச் சோ்ந்த மாணவ, மாணவிகள் சிறப்பிடம் பெற்றனா்.

மேற்கு வங்க மாநிலத்தில் கடந்த டிச. 30, 31-ஆம் தேதிகளில் 8-ஆவது தேசிய குங்பூ போட்டி நடைபெற்றது. இதில் 17-க்கும் மேற்பட்ட மாநிலங்களில் இருந்து 500-க்கும் மேற்பட்டோா் பங்கேற்றனா். தமிழ்நாடு குங்பூ சங்கம் சாா்பில் பங்கேற்ற மதுரை மாணவ, மாணவிகள் 5 தங்கம், 12 வெள்ளி, 10 வெண்கலப் பதக்ககங்களை வென்றனா். இந்த அணிக்கு சிறந்த அணிக்கான விருதும் வழங்கப்பட்டது.

பதக்கம் வென்ற மதுரை மாணவ, மாணவிகளை தமிழ்நாடு குங்பூ சங்கத் தலைவா் சிஜோ சரவணன், பயிற்றுநா் ரகு ஆகியோா் பாராட்டினா்.