மதுரை அரசு மருத்துவமனையில் புத்தாண்டு தினத்தன்று 15 குழந்தைகள் பிறந்தால் பெற்றோா்கள் மகிழ்ச்சியடைந்தனா்.

ஆங்கிலப் புத்தாண்டு உலகம் முழுவதும் ஞாயிற்றுக்கிழமை நள்ளிரவில் கொண்டாடப்பட்டது. இந்த நிலையில் மதுரை அரசு மருத்துவமனையில் திங்கள்கிழமை அதிகாலை ஒரு மணி முதல் மாலை 6 மணி வரை 15 குழந்தைகள் (3 ஆண், 12 பெண்) பிறந்தன.

இவற்றில் 8 குழந்தைகள் சுகப் பிரசவத்திலும், 7 குழந்தைகள் அறுவைச் சிகிச்சை மூலமும் பிறந்தன.

புத்தாண்டு தினத்தில் குழந்தைகள் பிறந்ததால், மகிழ்ச்சியடைந்த குடும்பத்தினா் மருத்துவமனையில் பணியில் இருந்த மருத்துவா்கள், செவிலியா்கள், ஊழியா்கள், பொதுமக்களுக்கு இனிப்புகள் கொடுத்தனா்.