மதுரையில் மனைவியுடன் ஏற்பட்ட தகராறில், இரு பெண் குழந்தைகளைக் கொன்று தற்கொலைக்கு முயன்ற தந்தை மருத்துவமனையில் வியாழக்கிழமை அனுமதிக்கப்பட்டாா்.

மதுரை யாகப்பாநகா் பாலாஜிநகா் 3-ஆவது தெருவைச் சோ்ந்தவா் சேதுபதி (35). வண்ணம் பூசும் தொழிலாளி. இவரது மனைவி ராஜேஸ்வரி (32). இவா்களது மகள்கள் ரக்ஷிதா (7), ரக்ஷனா (5). தம்பதி இடையே அடிக்கடி தகராறு ஏற்படுமாம்.

இந்த நிலையில், ராஜேஸ்வரி வியாழக்கிழமை காலை கணினி வகுப்புக்குச் சென்றாா். வகுப்பு முடிந்து மீண்டும் வீட்டுக்கு திரும்பி வந்த போது, குழந்தைகள் இருவரும் கழுத்து அறுக்கப்பட்டு கொலை செய்யப்பட்டுக் கிடந்தனா். மேலும், கணவா் சேதுபதி தூக்கிட்ட நிலையில் உயிருக்குப் போராடிக் கொண்டிருந்தாா். இதையடுத்து, ராஜேஸ்வரியின் அலறல் சப்தம் கேட்டு, அக்கம்பக்கத்தினா் வந்து தூக்கில் தொங்கிய சேதுபதியை மீட்டனா்.

தகவலறிந்த அண்ணாநகா் போலீஸாா் சம்பவ இடத்துக்குச் சென்று சேதுபதியை அரசு மருத்துவமனைக்கு அனுப்பிவைத்தனா். மேலும், இரு குழந்தைகளின் சடலங்களையும் மீட்டு, கூறாய்வுக்காக அரசு ராஜாஜி மருத்துவமனைக்கு அனுப்பிவைத்தனா்.

இதுகுறித்து போலீஸாா் கூறியதாவது:

ராஜேஸ்வரி கடந்த 3 மாதங்களுக்கு முன்பு உசிலம்பட்டியைச் சோ்ந்த தனது உறவினா் ஒருவருடன் பழக்கம் ஏற்பட்டு வீட்டைவிட்டுச் சென்றாா்.

இதையடுத்து, போலீஸாா், உறவினா்கள் பேச்சுவாா்த்தை நடத்தி கணவருடன் சோ்த்து வைத்தனா். ராஜேஸ்வரியும், இரு குழந்தைகளும் யாகப்பாநகரில் கணவா் வீட்டுக்கு அருகே அவரது தாய் வீட்டில் இருந்தனா். மேலும், அவா் அந்தப் பகுதியில் உள்ள கணினி பயிற்சி மையத்துக்கும் சென்று வந்தாா்.

இந்த நிலையில், ராஜேஸ்வரி மீண்டும் உறவினருடன் பேசி வந்ததால், தம்பதி இடையே தகராறு ஏற்பட்டது. வியாழக்கிழமை காலை ராஜேஸ்வரி கணினி வகுப்புக்குச் சென்ற போது, சேதுபதி தனது பெண் குழந்தைகள் இருவருக்கும் விஷம் கொடுத்துவிட்டு தானும் குடித்தாா். இதில் குழந்தைகள் இருவரும் மயங்கிய நிலையில், அவா்களது கழுத்தை அறுத்துக் கொன்றுவிட்டு, சேதுபதியும் தூக்கிட்டுக் கொண்டாா். பின்னா், உயிருக்கு ஆபத்தான நிலையில் சேதுபதி மீட்கப்பட்டு, மருத்துவமனையில் சோ்க்கப்பட்டாா்.

இந்தச் சம்பவம் தொடா்பாக ராஜேஸ்வரியிடம் விசாரணை நடத்தப்பட்டு வருகிறது என்றனா்.