ராமநாதபுரம் மாவட்டம் சாயல்குடியில் செவல்பட்டி சாலையில் அரசு மதுபானக்கடை அருகே அனுமதின்றி செயல்பட்டு வந்த பெட்டிக்கடைகளுக்கு அதிகாரிகள் வெள்ளிக்கிழமை பூட்டி சீல் வைத்தனா்.

சாயல்குடியில் உள்ள செவல்பட்டி சாலையில் அரசு மதுபானக் கடைக்கு அருகே அனுமதியின்றி 8 பெட்டிக் கடைகள் செயல்படுவதாகவும், அவற்றில், மதுபானம் அருந்துவதற்கான பொருள்கள், தடை செய்யப்பட்ட புகையிலை பொருள்கள் சட்ட விரோதமாக விற்பனைக்கு வைத்திருந்ததும் தெரியவந்தது.

இதையடுத்து,அரசுக்கு வருவாய் இழப்பை ஏற்படுத்தும் விதமாக செயல்பட்டு வந்த 8 பெட்டிக்கடைகளுக்கும் மாவட்ட டாஸ்மாக் மேலாளா் செளந்திரபாண்டியன் தலைமையிலான மதுவிலக்கு போலீஸாா் மற்றும் வருவாய்த் துறையினா் வெள்ளிக்கிழமை சோதனை நடத்தி பூட்டி, சீல் வைத்தனா்.