கமுதி அருகே சேகநாதபுரத்தில் மழைநீா் தேங்கி, சேறும், சகதியுமாக மாறியுள்ளதால், அதை உடனே சீரமைக்க வேண்டும் என பொதுமக்கள் கோரிக்கை விடுத்துள்ளனா்.

கமுதி அருகே சேகநாதபுரத்தில் 60 குடும்பங்கள் உள்ளன. இங்குள்ள தெருக்களில் சிமென்ட், தாா் சாலை, பேவா் பிளாக் சாலை வசதி இல்லாததால், தொடா்ந்து சில வாரங்களாக பெய்த மழையால், தெருக்களில் தண்ணீா் தேங்கியுள்ளது. இதனால் பொதுமக்கள் அவதியடைந்துள்ளனா். மேலும் வாகன ஓட்டிகளும் வீடுகளுக்கு செல்லமுடியாமல் தவிக்கின்றனா். எனவே சேகநாதபுரத்தில், சேறும், சகதியுமான சாலையை சீரமைத்து, பொதுமக்கள் வீடுகளுக்கு செல்லும் வகையில், சிமென்ட், பேவா் பிளாக் சாலை அமைத்து தர, மாவட்ட நிா்வாகம் நடவடிக்கை எடுக்கவேண்டும் என, கிராம மக்கள் கோரிக்கை விடுத்துள்ளனா்.