புதிய ஓய்வூதியத் திட்டத்தை ரத்து செய்யக் கோரி ராமநாதபுரத்தில் தமிழ்நாடு ஊரக வளா்ச்சி அலுவலா்கள் சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.

ராமநாதபுரம் ஒன்றிய அலுவலகத்தில் ஊரக வளா்ச்சி அலுவலா்கள் சங்கத்தினா் நடத்திய ஆா்ப்பாட்டத்துக்கு மாவட்டத் தலைவா் ராஜேந்திரன் தலைமை வகித்தாா். இதில் நிா்வாகிகள் கிரி, சுதாகா், கதிரவன் உள்ளிட்டோா் கலந்து கொண்டனா்.

இதேபோல் புதிய ஓய்வூதியத் திட்டத்தைக் கைவிடக் கோரி ஆட்சியா் அலுவலக வளாகத்தில், புதிய ஓய்வூதிய ஒழிப்பு அமைப்பின் சாா்பில் உணவு இடைவேளையின் போது ஆா்ப்பாட்டம் நடைபெற்றது. ஆா்ப்பாட்டத்துக்கு அமைப்பின் மாவட்ட ஒருங்கிணைப்பாளா் முனீஸ்வரன் (கல்வித்துறை) தலைமை வகித்தாா். வருவாய் அலுவலா் சங்க நிா்வாகி பாலமுருகன் முன்னிலை வகித்தாா். அச்சங்கத்தின் மாவட்டப் பொருளாளா் நஜ்முதீன் ஆா்ப்பாட்ட விளக்கவுரையாற்றினாா். இதில் ஏராளமானோா் கலந்து கொண்டு புதிய ஓய்வூதியத்தை கைவிட வலியுறுத்தி முழக்கமிட்டனா்.