நன்னிலம்: குடவாசல் பகுதியில் தாழ்வாக செல்லும் மின்கம்பிகளை சீா்செய்ய வேண்டுமென பொதுமக்கள் கோரிக்கை விடுத்துள்ளனா்.

குடவாசல் நகரின் பல்வேறு இடங்களில் மின்கம்பிகள் மிக தாழ்வாக செல்கின்றன. இதன்காரணமாக கனரக வாகனங்களில் சுமை ஏற்றிச் செல்லும்போது, மின்கம்பி மீது உரசி விபத்து ஏற்பட வாய்ப்புள்ளது. தற்போது மழைக்காலமாக இருப்பதால் மின்கம்பிகள் மேலும் கீழே இறங்க வாய்ப்புகள் உள்ளன. குறிப்பாக குடவாசல் அரசு மருத்துவமனை, திருவாரூா்- கும்பகோணம் மாநில நெடுஞ்சாலையில் திருமண மண்டபம் அருகே அமைந்துள்ள மின்கம்பத்தில், சாலையின் குறுக்கே மறுபுறம் செல்லும் மின் கம்பி மிகத் தாழ்வாக செல்கிறது. இவற்றை சீா்செய்ய சம்பந்தப்பட்ட அலுவலா்கள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.