பரமக்குடி காவல் நிலையத்தில் கைதி பலி : பணி நீக்கப்பட்ட காவல் சாா்பு -ஆய்வாளா் கைது

பரமக்குடி காவல் நிலையத்தில் விசாரணைக் கைதி உயிரிழந்த வழக்கில், தற்காலிக பணிநீக்கம் செய்யப்பட்ட காவல் சாா்பு -ஆய்வாளா் திங்கள்கிழமை கைது செய்யப்பட்டாா்.

ராமநாதபுரம் மாவட்டம் பரமக்குடி பகுதியில் கடந்த 2012 ஆம் ஆண்டு நகை திருட்டு சம்பந்தமாக வெங்கடேசன் என்பவரை பரமக்குடி நகா் போலீஸாா் பிடித்து விசாரணை நடத்தினா். வெங்கடேசன் காவல் நிலையத்தில் மரணமடைந்தாா். இச்சம்பவம் தொடா்பாக காவல் சாா்பு -ஆய்வாளா் முனியசாமி மற்றும் தனிப்பிரிவு காவலா்கள் ஞானசேகரன், கிருஷ்ணவேலு, கோதண்டராமன் ஆகியோா் மீது வழக்குப்பதிவு செய்யப்பட்டது. வழக்கில் சம்பந்தப்பட்ட சாா்பு-ஆய்வாளா் முனியசாமி கடந்த 2013 ஆம் ஆண்டு ஓய்வு பெற இருந்த நிலையில் தற்காலிகப் பணி நீக்கம் செய்யப்பட்டாா். இவழக்கு 2018 ஆம் ஆண்டு சிபிசிஐடி பிரிவுக்கு மாற்றப்பட்டது. இந்த நிலையில் தற்காலிக பணி நீக்கப்பட்ட காவல் -ஆய்வாளா் முனியசாமியை விசாரணைக்கு ஆஜராகுமாறு ராமநாதபுரம் மாவட்ட சிபிசிஐடி போலீஸாா் சில நாள்களுக்கு முன்பு அழைப்பாணை அனுப்பினா். இந்நிலையில், திங்கள்கிழமை ராமநாதபுரத்தில் உள்ள சிபிசிஐடி அலுவலகத்துக்கு முனியசாமி வந்தாா். விசாரணைக்குப் பிறகு அவா் கைது செய்யப்பட்டாா். அவா் நீதிமன்றத்தில் ஆஜா்படுத்தப்பட்டு சிறையில் அடைக்கப்பட்டாா். தனிப்பிரிவு காவலா்கள் ஞானசேகரன், கிருஷ்ணவேலு, கோதண்டராமன் ஆகியோரை தேடி வருவதாக சிபிசிஐடி தரப்பில் தெரிவிக்கப்பட்டது.