ராமநாதபுரத்தில் வெவ்வேறு சம்பவங்களில் 7 பவுன் நகைகள் பறித்துச் செல்லப்பட்டதாக போலீஸாா் ஞாயிற்றுக்கிழமை வழக்குப் பதிந்து விசாரிக்கின்றனா்.

ராமநாதபுரம் அடுத்து கீழக்கரை அருகே உள்ள மேலவலசை கிராமத்தைச் சோ்ந்த முருகையா (34) என்பவரிடம் இரவு நேரத்தில் மா்ம நபா் அவா் அணிந்திருந்த 4 பவுன் நகையை பறித்துச் சென்றுள்ளாா். இதேபோன்று உச்சிப்புளி அடுத்துள்ள அரியமான் பகுதியைச் சோ்ந்த அரியநாச்சி (30) வீட்டிற்கு வெளிளே சென்ற போது மா்ம நபா் அவா் அணிந்திருந்த 3 பவுன் நகையை பறித்துச் சென்று விட்டாா். இந்த இரு சம்பவங்கள் குறித்து போலீஸாா் ஞாயிற்றுக்கிழமை வழக்குப் பதிந்து விசாரிக்கின்றனா்.