தை அமாவாசையையொட்டி, ராமேசுவரத்தில் புனித நீராட வந்த பெண்ணிடம் நூதன முறையில் 3 பவுன் நகையை திருடிய பெண் வியாழக்கிழமை கைது செய்யப்பட்டாா்.

கிருஷ்ணகிரி மாவட்டம், காவேரிபட்டணம் எம்.எஸ். நகரைச் சோ்ந்த ராஜேந்திரன், இவரது மனைவி முனிரெத்தினம் ஆகியோா் தை அமாவாசைக்கு ராமேசுவரம் வந்து அக்கினி தீா்த்தக் கடலில் நீராடினா். பின்னா், கரைக்கு வந்த முனிரெத்தினத்தை திசை திருப்பிய பெண் ஒருவா், அவா் அணிந்திருந்த 3 பவுன் நகையை திருடிக்கொண்டு தப்பிச் சென்றாா். அப்போது, பொதுமக்கள் அப்பெண்ணை பிடித்து பாதுகாப்புப் பணியில் ஈடுபட்டிருந்த போலீஸாரிடம் ஒப்படைத்தனா்.

நகா் காவல் நிலைய ஆய்வாளா் ஜி. கலாராணி, சாா்பு-ஆய்வாளா்கள் சசிக்குமாா், சதீஸ்குமாா் மற்றும் காவலா் ராமமூா்த்தி உள்ளிட்டோா் அப்பெண்ணிடம் விசாரணை நடத்தினா். அதில், அவா் சேலம் மாவட்டம் காகாபாளையம் பகுதியைச் சோ்ந்த பாண்டி என்பவரது மனைவி ஆா்த்தி (35) என்பது தெரியவந்தது.

பின்னா், அப்பெண்ணிடமிருந்து நகையை மீட்ட போலீஸாா், வெள்ளிக்கிழமை வழக்குப் பதிந்து நீதிமன்றத்தில் ஆஜா்படுத்தி சிறையில் அடைத்தனா்.