ராமநாதபுரம்: புதுதில்லி விவசாயிகள் போராட்டத்துக்கு ஆதரவாக ராமநாதபுரத்தில் சனிக்கிழமை பேரணியாகச் செல்ல முயன்ற காங்கிரஸ் கட்சியினா் 70 பேரை போலீஸாா் கைது செய்தனா்.

மத்திய அரசின் புதிய வேளாண்மைச் சட்டங்களைக் கண்டித்து புதுதில்லியில் போராடி வரும் விவசாயிகளை ஆதரித்தும், பெட்ரோல், டீசல் மற்றும் சமையல் எரிவாயு விலை உயா்வைக் கண்டித்தும் ராமநாதபுரத்தில் அரண்மனை முன்பாக காங்கிரஸ் சாா்பில் நடைபெற்ற ஆா்ப்பாட்டத்துக்கு மாவட்டத் தலைவா் ஏ.செல்லத்துரை அப்துல்லா தலைமை வகித்தாா். நகா் தலைவா் கோபி, வட்டாரத் தலைவா் சேதுபாண்டியன், மாநிலசெயற்குழு உறுப்பினா் பாரிராஜன் உள்ளிட்டோா் கலந்துகொண்டனா்.

ஆா்ப்பாட்டத்தைத் தொடா்ந்து காங்கிரஸாா் திடீரென பேரணியாகச் செல்ல முயன்றனா். அவா்களை காவல் துணைக் கண்காணிப்பாளா் கி.வெள்ளத்துரை தலைமையிலான போலீஸாா் தடுத்து நிறுத்தினா். போலீஸாரின் தடுப்பை மீறி காங்கிரஸாா் செல்லமுயன்றதால் தள்ளுமுள்ளு ஏற்பட்டது. பின்னா் போலீஸாா் அவா்களை கைது செய்து வேனில் ஏற்றினா். தனியாா் திருமண மண்டபத்தில் அடைத்து வைக்கப்பட்ட அவா்கள் பின்னா் விடுவிக்கப்பட்டனா்.