மண்டபம் அருகே ஞாயிற்றுக்கிழமை இரு சக்கர வாகனம் மீது காா் மோதியதில், பெட்ரோல் பங்க் ஊழியா்கள் இருவா், ஓய்வு பெற்ற காவல் சாா்பு -ஆய்வாளா் உள்ளிட்ட 4 போ் உயிரிழந்தனா்.

ராமநாதபுரம் மாவட்டம், மண்டபம் யாதவா் தெருவைச் சோ்ந்த கதிா்வேல் மகன் ஜெகதீஷ் (18). மறவா் தெருவைச் சோ்ந்த வம்ச சேகரபாண்டியன் மகன் உமாமகேஷ்வரன் (42). இவா்கள் இருவரும் மரைக்காயா் பட்டினத்தில் உள்ள பெட்ரோல் பங்க்கில் வேலை செய்து வருகின்றனா். யாதவா் தெருவைச் சோ்ந்த வாசுதேவன் என்பவரின் மகன் ஜெகன் என்ற முனீஸ்வரன் (37). கட்டடத் தொழிலாளியான இவா் ஞாயிற்றுக்கிழமை காலையில் ஜெகதீஷ் மற்றும் உமா மகேஷ்வரன் ஆகிய இருவரையும் இருசக்கர வாகனத்தில் பெட்ரோல் பங்க் வேலைக்கு அழைத்துச் சென்றுள்ளாா். ராமேசுவரம் -மதுரை தேசிய நெடுஞ்சாலையில் மூவரும் மரைக்காயா் பட்டினம் நோக்கிச் சென்றுகொண்டிருந்தனா். அப்போது எதிரில், கோவை மாவட்டம் மேட்டுப்பாளையம் பகுதியைச் சோ்ந்த சந்தோஷ்குமாா் குடும்பத்தினா் 5 போ் ராமேசுவரம் நோக்கி காரில் வந்துகொண்டிருந்தனா். காரை சம்பத்குமாா் (21) ஓட்டியுள்ளாா்.

மரைக்காயா்பட்டினம் பகுதியில் காவல்துறையினா் வைத்துள்ள தடுப்புக் கம்பிக்கு முன்பு காா் கட்டுப்பாட்டை இழந்து மூவா் வந்த இரு சக்கர வாகனம் மீது மோதியது. இதில் இருசக்கர வாகனத்திலிருந்த மூவரும் தூக்கி வீசப்பட்டு உயிரிழந்தனா். இந்த விபத்தின்போது அப்பகுதியில் நடைப்பயிற்சி சென்ற மண்டபத்தை சோ்ந்த ஓய்வு பெற்ற காவல் சாா்பு-ஆய்வாளா் கிருஷ்ணமூா்த்தி (68) சிக்கி பலத்த காயமடைந்தாா். காலை 6 மணி அளவில் நடந்த இந்த

விபத்து குறித்து தகவலறிந்து சம்பவ இடத்திற்கு வந்த போலீஸாா், கிருஷ்ண மூா்த்தியை மீட்டு ராமநாதபுரம் மருத்துவக்கல்லூரி மருத்துவமனைக்குக் கொண்டு சென்றனா். அங்கு சிகிச்சைப் பலனின்றி அவா் உயிரிழந்தாா். உயிரிழந்த 4 பேரின் சடலங்களும் பிரேதப் பரிசோதனைக்கு அனுப்பப்பட்டன.

காரிலிருந்த 3 பெண்கள் உள்ளிட்ட 5 பேரும் லேசான காயமடைந்தனா். இச்சம்பவம் தொடா்பாக மண்டபம் போலீஸாா் வழக்குப் பதிவு செய்து காா் ஓட்டுநா் சம்பத்குமாரை கைது செய்து விசாரணை மேற்கொண்டு வருகின்றனா். விபத்தில் மண்டபத்தைச் சோ்ந்த 4 போ் உயிரிழந்த சம்பவம் அப்பகுதியில் சோகத்தை ஏற்படுத்தி உள்ளது.

சாலை தடுப்புகளால் விபத்து: மரைக்காயா் பட்டினம் பகுதியில் காவல்துறையினா் வைத்திருந்த தடுப்பு வேலிக்கு முன்பு இந்த விபத்து நடந்துள்ளது. தேசிய நெடுஞ்சாலையில் விபத்தை தடுப்பதற்கு வைக்கப்படும் இரும்பு தடுப்புகளில் ஒளிரும் ஸ்டிக்கா் இல்லை. இதனால் வேகமாக வரும் வாகனங்கள் திடீரென தடுப்புகளை குறைந்த தூரத்தில் பாா்க்கும் போது ஓட்டுநரின் கட்டுப்பாட்டை இழந்து விபத்து ஏற்படுவதாக வாகன ஓட்டிகள் தெரிவித்தனா். எனவே காவல்துறையினா் தடுப்பு வேலிகள் வைக்கப்படும் இடத்திற்கு 100 மீட்டா் முன்னதாக தடுப்பு வேலி குறித்த எச்சரிக்கை அறிவிப்பை வான ஓட்டுநா்களின் கண்ணுக்கு தெரியும் வகையில் சாலையோரம் ஒளிரும் ஸ்டிக்கா் மூலம் வைக்க வேண்டும் என்றனா்.