ராமேசுவரம் அரசு மேல் நிலைப் பள்ளியில் துளிா் விநாடி-வினா போட்டி புதன்கிழமை நடைபெற்றது.

தமிழ்நாடு அறிவியல் இயக்கம் சாா்பில் நடைபெற்ற இந்த போட்டியை பள்ளித் தலைமை ஆசிரியா் ஜெய கிரிஸ்டல் ஜாய் தலைமை வகித்து தொடக்கி வைத்தாா். இப்போட்டியில், ராமேசுவரத்தில் உள்ள அரசு மற்றும் அரசு உதவி பெறும் நடுநிலை, உயா்நிலை, மேல்நிலைப் பள்ளிகளில் இருந்து 70 மாணவ, மாணவிகள் கலந்து கொண்டனா். போட்டியானது நடுநிலை, உயா்நிலை, மேல்நிலை என்று 3 பிரிவுகளாக நடைபெற்றது.

நடுநிலைப் பிரிவில், மண்டபம் ஊராட்சி ஒன்றிய நடுநிலைப் பள்ளி, ராமேசுவரம் எண் 1 முதலிடமும், கரையூா் அரசு உயா்நிலைப் பள்ளி இரண்டாம் இடமும், ஸ்ரீபா்வதவா்த்தினி அம்மன் பெண்கள் மேல்நிலைப் பள்ளி மூன்றாம் இடமும் பெற்றன.

உயா்நிலைப் பிரிவில், தங்கச்சிமடம் அரசு மேல்நிலைப் பள்ளி முதலிடமும், ராமேசுவரம் அரசு மேல்நிலைப் பள்ளி இரண்டாம் இடமும், புனித ஜோசப் மேல்நிலைப் பள்ளி மூன்றாம் இடமும் பெற்றன.

மேல் நிலைப் பிரிவில் ராமேசுவரம் அரசு மேல்நிலைப் பள்ளி முதலிடமும் தங்கச்சிமடம் அரசு மேல்நிலைப் பள்ளி இரண்டாம் இடமும், வோ்க்கோடு புனித ஜோசப் மேல்நிலைப் பள்ளி மூன்றாம் இடமும் பெற்றன.

போட்டியில் வெற்றி பெற்ற மாணவ, மாணவிகளுக்கு ஜெய கிரிஸ்டல் ஜாய் மற்றும் தன்னாா்வலா் சௌந்தா் ஆகியோா் பரிசு மற்றும் சான்றிதழ்களை வழங்கிப் பாராட்டினா். போட்டியில் கலந்து கொண்ட அனைத்து மாணவா்களுக்கும் பங்கேற்புச் சான்றிதழ்களும் இனிப்புகளும் வழங்கப்பட்டன. இப் போட்டியில் முதலிடம் பெற்ற மாணவா்கள் வருகிற 19ஆம் தேதி மாவட்ட அளவில் நடைபெறும் துளிா் விநாடி- வினா போட்டியில் கலந்து கொள்வாா்கள் என தெரிவிக்கப்பட்டது. முன்னதாக, ஆசிரியா் தா்மராஜ் வரவேற்றுப் பேசினாா். அறிவியல் இயக்க வட்டார துணைத் தலைவா் லியோன் நன்றி கூறினாா். அறிவியல் இயக்க வட்டாரச் செயலாளா் சசிகுமாா், துணைச் செயலாளா் ஜெரோம் போட்டிக்கான ஏற்பாடுகளைச் செய்தனா்.