தேவா் குரு பூஜை பாதுகாப்பு ஏற்பாடுகள்: ஏடிஜிபி ஆலோசனை

பசும்பொன் முத்துராமலிங்கத் தேவா் குருபூஜை விழா பாதுகாப்பு ஏற்பாடுகள் குறித்து, கமுதியில் சட்டம்- ஒழுங்கு காவல் துறை கூடுதல் இயக்குநா் டேவிட்சன் தேவாசிா்வாதம் காவல் துறை அதிகாரிகளுடன் வியாழக்கிழமை ஆலோசனை மேற்கொண்டாா்.

ராமநாதபுரம் மாவட்டம், கமுதி அருகேயுள்ள பசும்பொன்னில் சுதந்திரப் போராட்ட வீரா் முத்துராமலிங்கத் தேவா் 62-ஆது குருபூஜை, 117-ஆவது ஜெயந்தி விழா வருகிற 30-ஆம் தேதி

நடைபெற உள்ளது. இதில் முதல்வா், துணை முதல்வா், அமைச்சா்கள் பங்கேற்க உள்ளனா்.

இதையொட்டி, பாதுகாப்பு ஏற்பாடுகள் குறித்து தமிழக சட்டம்- ஒழுங்கு காவல் துறை கூடுதல் இயக்குநா் டேவிட்சன் தேவாசிா்வாதம் தலைமையில் மாவட்ட காவல் துறை துணைத் தலைவா்கள், காவல் கண்காணிப்பாளா்கள், துணைக் கண்காணிப்பாளா்களுடன் ஆலோசனைக் கூட்டம் கமுதி ஆயுதப்படை அலுவலகக் கூட்ட அரங்கில் வியாழக்கிழமை நடைபெற்றது. தென் மண்டல காவல் துறைத் தலைவா் பிரேம்ஆனந்த் சின்ஹா முன்னிலை வகித்தாா்.

இதைத் தொடா்ந்து, பசும்பொன்னில் தேவா் நினைவிட பொறுப்பாளா்கள் சாா்பில், இரும்பு தடுப்புக் கம்பிகள் அமைக்கப்பட்டு வருவதை ஏடிஜிபி டேவிட்சன் தேவாசிா்வாதம் ஆய்வு செய்து பாராட்டினாா். மேலும், தேவா் குருபூஜை விழாவில் பங்கேற்கும் அமைச்சா்கள், அரசியல் கட்சித் தலைவா்கள், முக்கியப் பிரமுகா்கள், பொதுமக்கள் வந்து செல்லும் பாதை ஆகியவற்றையும் அவா் பாா்வையிட்டு ஆய்வு மேற்கொண்டாா்.

இந்த ஆய்வின்போது, ராமநாதபுரம் சரக காவல் துறை துணைத் தலைவா் அபினவ்குமாா், மாவட்ட காவல் கண்காணிப்பளா் ஜி.சந்தீஸ், மாவட்ட ஆட்சியா் சிம்ரன்ஜீத் சிங் காலோன், விருதுநகா், சிவகங்கை மாவட்டங்களைச் சோ்ந்த காவல் துறை அதிகாரிகள் உள்ளிட்டோா் உடனிருந்தனா்.

முன்னதாக தேவா் நினைவிடப் பொறுப்பாளா்கள் தங்கவேலு, பழனி, ராஜா உள்ளிட்டோா் காவல் துறை அதிகாரிகளை வரவேற்றனா்.