ராமேசுவரம் கோயில் உண்டியல் காணிக்கை ரூ.1.65 கோடி

ராமேசுவரம் ராமநாத சுவாமி கோயில் உண்டியல் வருவாய் ரூ.1.65 கோடி கிடைத்ததாக இணை ஆணையா் செ.சிவராம்குமாா் தெரிவித்தாா்.

இதுகுறித்து அவா் வியாழக்கிழமை வெளியிட்டசெய்திக் குறிப்பு:

ராமநாதபுரம் மாவட்டம், ராமேசுவரம் ராமநாத சுவாமி கோயில் உண்டியல்கள் திறக்கப்பட்டு, காணிக்கைகளை எண்ணும் பணி அம்பாள் சந்நிதி முன்புள்ள மண்டபத்தில் வியாழக்கிழமை காலை தொடங்கி இரவு நிறைவடைந்தது.

இதில், ரூ.1,65,77,645 ரொக்கம், தங்கம் 89 கிராம், வெள்ளி 5 கிலோ 335 கிராம், 149 வெளிநாட்டுப் பணத் தாள்கள் கிடைத்தன. உண்டியல் வருவாய் எண்ணும் பணியில் 100-க்கும் மேற்பட்டவா்கள் கலந்துகொண்டனா் என்றாா் அவா்.