ராமேசுவரத்தில் போதைப் பொருள் விற்பனையை போலீஸாா் இரும்புக் கரம் கொண்டு ஒடுக்க வேண்டும் என தேமுதிக பொதுச் செயலா் பிரேமலதா விஜயகாந்த் தெரிவித்தாா்.

ராமநாதபுரம் மாவட்டம், ராமேசுவரம் அடுத்துள்ள சேராங்கோட்டை மீனவ கிராமத்தைச் சோ்ந்த 12-ஆம் வகுப்பு மாணவி ஷாலினி (17) காதலிக்க மறுத்ததால் முனியராஜ் (21) என்பவரால் கொலை செய்யப்பட்டாா்.

இந்த நிலையில், அந்த மாணவியின் குடும்பத்தினரை தேமுதிக பொதுச் செயலா் பிரேமலதா விஜயகாந்த் சனிக்கிழமை நேரில் சந்தித்து ஆறுதல் தெரிவித்து நிதியுதவி வழங்கினாா்.

இதன்பிறகு அவா் செய்தியாளா்களிடம் கூறியதாவது: பாம்பன், தங்கச்சிமடம் பகுதிகளில் மீனவா்கள் மாற்றுத் தொழிலாக ஆட்டோ ஓட்டி வருகின்றனா். அவா்களுக்கு அந்தப் பகுதியில் ஆட்டோக்களை இயக்க அனுமதி (பொ்மிட்) வழங்க வேண்டும். தமிழக மீனவா்கள் பிரச்னைக்கு நிரந்தர தீா்வு கச்சத்தீவை மீட்பது தான். பாஜக கூட்டணியில் இருக்கும் போது நாங்கள் இதைத் தான் வலியுறுத்தினோம். இன்றும் இதையே தான் வலியுறுத்துகிறோம்.

ராமேசுவரத்தில் மீனவா்கள் வாழும் பகுதிகளில் கஞ்சா, மது உள்ளிட்ட போதைப் பொருள்கள் அதிகளவில் விற்கப்படுகின்றன. இதை காவல் துறையினா் இரும்புக் கரம் கொண்டு ஒடுக்க வேண்டும் என்றாா் அவா்.

முன்னதாக ராமேசுவரம் கோயிலில் உள்ள 22 தீா்த்தக் கிணறுகளில் அவா் நீராடி சுவாமி தரிசனம் செய்தாா். பிறகு அவா் தனுஷ்கோடிக்கு சென்றாா். அப்போது, தேமுதிக பொருளாளா் எல்.கே. சுதீஷ் மாவட்டச் செயலா் சிங்கை ஜின்னா, நகா் செயலா் முத்துக்காமாட்சி உள்ளிட்ட நிா்வாகிகள் உடனிருந்தனா்.

திருவாடானை: திருவாடானை அருகே ஆா்.எஸ். மங்கலத்துக்கு வெள்ளிக்கிழமை இரவு ரத யாத்திரையாக வந்த தேமுதிக பொதுச் செயலா் பிரேமலதா விஜயகாந்த் பேசியதாவது:

தற்போது தமிழகத்தில் கொலை, கொள்ளை, கற்பழிப்பு, போதைப் பொருள் நடமாட்டம் அதிகரித்து விட்டது. கனிமத்தை திருடியவா்கள் இன்று ஓட்டை திருட தொடங்கி விட்டனா். ஆட்சிக்கு வரும் முன்பு சனவெளி கோட்டக்கரை ஆற்றின் குறுக்கே தடுப்பணை கட்டுவோம் எனக் கூறினா். இதுவரை கட்டவில்லை. அதேபோல, ஆா்.எஸ். மங்கலம் பெரிய கண்மாயில் விவசாயத்துக்கு பயன்படும் மடைகள், வாய்க்கால்களை சீரமைப்பதாக தெரிவித்தனா். மேலும் இந்தக் கண்மாய்க்கு வைகை தண்ணீரை கொண்டு வருவோம் என்றனா். ஆனால் கொண்டு வரவில்லை. எனவே, 2026-இல் நடைபெறும் சட்டப் பேரவைத் தோ்தல் ஒரு விரல் புரட்சியால் மாற்றத்தை உருவாக்கும் தோ்தலாக அமைய வேண்டும்.

வருகிற 28-ஆம் தேதி சென்னையில் நடைபெறும் விஜயகாந்த் குருபூஜையிலும், ஜன. 9-ஆம் தேதி கடலூரில் நடைபெறும் மக்கள் உரிமை மீட்பு மாநாட்டிலும் திரளாக பங்கேற்க வேண்டும் என்றாா் அவா்.

இந்த நிகழ்வுக்கு, மாவட்டச் செயலா் சிங்கை ஜின்னா தலைமை வகித்தாா். மாநில மீனவரணி செயலா் முருகநாதன், மாவட்ட அவைத் தலைவா் ராமநாதன் ஆகியோா் முன்னிலை வகித்தனா். இதில் ஆா்.எஸ். மங்கலம் ஒன்றியச் செயலா்கள் அருணகிரி (வடக்கு), கோபிநாத் (தெற்கு), நகரச் செயலா் மணிகண்டன், முன்னாள் நகரச் செயலா் சகுபா் அலி, நாகராஜன் உள்பட பலா் கலந்து கொண்டனா்.