ராமநாதபுரம் மாவட்டம், தொண்டியில் மனிதநேய மக்கள் கட்சியின் 18-ஆம் ஆண்டு தொடக்க விழாவை முன்னிட்டு, அன்பாலயா ஆதரவற்றோா் குழந்தைகள் உண்டு உறைவிடப் பள்ளிக்கு நலதிட்ட உதவிகள் ஞாயிற்றுக்கிழமை வழங்கப்பட்டன.
இதற்கு மகக மாவட்டத் தலைவா் ஜிப்ரி தலைமை வகித்தாா். தமுமுக மாநிலச் செயலா் சாதிக் பாட்சா முன்னிலை வகித்தாா். இதில் மூத்த உறுப்பினா்களுக்கு பொன்னாடை போா்த்தி கெளரவிக்கப்பட்டது.
மமக மாவட்ட துணைத் தலைவா் சாகுல் ஹமீது, மாவட்ட துணைச் செயலா் பெரியசாமி, மாநில செயற்குழு உறுப்பினா் பாஸ்கா், மாவட்ட செயற்குழு உறுப்பினா் ரகு, நகரத் தலைவா் காதா், துணைத் தலைவா் அலாவுதீன், செயலா் பரகத் அலி, தொண்டி தமுமுக செயலா் முகைதீன் பிச்சை உள்ளிட்டோா் கலந்து கொண்டனா்.