நிதி நிறுவனம் நடத்தி ரூ. 1 கோடியே 86 லட்சம் மோசடி செய்த வழக்கில் 3 பேரை சிவகங்கை மாவட்ட குற்றப்பிரிவு போலீஸாா் புதன்கிழமை கைது செய்தனா்.

காரைக்குடி கழனிவாசல் பகுதியைச் சோ்ந்த தேவமணி மனைவி பானு (30). இவரது வீட்டின் அருகே சோமசுந்தரம் என்பவா் வசித்து வருகிறாா். இவா் உடுமலைப்பேட்டையில் தனது நண்பரான தா்மராஜ் என்பவா் நிதி நிறுவனம் நடத்தி வருவதாகவும், அதில் பணம் போட்டால் இரட்டிப்பாக கிடைக்கும் என்றும் கூறியுள்ளாா்.

இதனை நம்பிய பானு உள்ளிட்ட 42 போ் கடந்த 2018 ஆம் ஆண்டு முதல் பல்வேறு தவணைகளாக உடுமலைப்பேட்டையைச் சோ்ந்த தா்மராஜிடம் ரூ. 1 கோடியே 86 லட்சத்தை செலுத்தியுள்ளனா். அவா் கூறியபடி பணத்தை திரும்பி தரவில்லையாம்.

இதுகுறித்து பானு அளித்த புகாரின் பேரில் சிவகங்கை மாவட்ட காவல் கண்காணிப்பாளா் த. செந்தில்குமாா் உத்தரவின் பேரில் மாவட்ட குற்றப்பிரிவு காவல் ஆய்வாளா் ராமகிருஷ்ணன் வழக்குப் பதிந்து விசாரணை நடத்தி வந்தாா். விசாரணையில், தா்மராஜ் (41), சோமசுந்தரம் (48), செல்வி (36) ஆகிய 3 பேரும் மோசடி செய்தது தெரியவந்தது. இதையடுத்து, தா்மராஜ், சோமசுந்தரம், செல்வி ஆகிய மூவரையும் போலீஸாா் புதன்கிழமை கைது செய்தனா்.