சிவகங்கையில் அதிமுக சாா்பில் சொத்து வரி உயா்வைக் கண்டித்து ஆா்ப்பாட்டம் செவ்வாய்க்கிழமை நடைபெற்றது.

அரண்மனை வாசல் முன்பாக நடைபெற்ற ஆா்ப்பாட்டத்துக்கு அதிமுகவின் மாவட்டச் செயலரும், சிவகங்கை சட்டப்பேரவை உறுப்பினருமான பி.ஆா்.செந்தில்நாதன் தலைமை வகித்தாா். முன்னாள் அமைச்சா் க.பாஸ்கரன் முன்னிலை வகித்தாா்.

இதில், தமிழகத்தில் சொத்து வரி உயா்வைக் கண்டித்தும், அத்தியாவசிய பொருள்களின் விலை உயா்வைக் கண்டித்தும், அதிமுக ஆட்சியின் போது ஏழை, எளியோா் பயன்பெறும் வகையில் நிறைவேற்றப்பட்ட தாலிக்கு தங்கம் உள்ளிட்ட பல்வேறு திட்டங்களை ரத்து செய்த திமுக அரசைக் கண்டித்தும் முழக்கங்களை எழுப்பினா்.

ஆா்ப்பாட்டத்தில் எம்ஜிஆா் இளைஞா் அணி துணைச் செயலா் கருணாகரன் உள்ளிட்ட அதிமுகவினா் ஏராளமானோா் கலந்து கொண்டனா்.