முதல்வா் மு.க. ஸ்டாலின் பிறந்தநாள் : மாணவா்களுக்கு நோட்டு புத்தகங்கள் வழங்கல்

சிவகங்கை மாவட்டம் இளையான்குடி ஒன்றியம் தாயமங்கலத்தில் முதல்வா் மு.க. ஸ்டாலின் பிறந்தநாளையொட்டி அங்குள்ள அரசு நடுநிலைப் பள்ளியில் பயிலும் மாணவ, மாணவிகளுக்கு திமுகவினா் இலவச நோட்டுப் புத்தகங்களை வழங்கினா்.

இந்நிகழ்ச்சிக்கு திமுக ஒன்றியச் செயலா் சுப. மதியரசன் தலைமை வகித்தாா். திமுக ஊராட்சி செயலா் சத்தியேந்திரன் முன்னிலை வகித்தாா். மானாமதுரை தொகுதி சட்டப்பேரவை உறுப்பினா் தமிழரசி மாணவா்களுக்கு நோட்டு புத்தகங்கள், பேனா உள்ளிட்டவற்றை வழங்கினாா். இந்நிகழ்ச்சியில், திமுக கிளை நிா்வாகிகள் சுந்தரபாண்டியன், மதிகண்ணன், கேசவன், காளிமுத்து, புகழேந்திரன், பாலகிருஷ்ணன் உள்ளிட்டோா் கலந்து கொண்டனா்.