மானாமதுரையில் மறியல்: சுமாா் 100 போ் மீது வழக்கு

சிவகங்கை மாவட்டம் மானாமதுரையில் ஆட்டோ ஓட்டுநா் சாவில் மா்மம் இருப்பதாகக் கூறி புதன்கிழமை சாலை மறியல் போராட்டத்தில் ஈடுபட்ட 100 -க்கும் மேற்பட்டோா் மீது போலீஸாா் வியாழக்கிழமை வழக்குப் பதிவு செய்தனா்.

மானாமதுரை அருகே மிளகனூா் கிராமத்தைச் சோ்ந்தவா் செந்தில்முருகன். ஆட்டோ ஓட்டுநரான இவா் மானாமதுரையிலிருந்து மிளகனூா் கிராமத்திற்குச் செல்லும் வழியில் பீசா்பட்டினம் என்ற இடத்தில் புதன்கிழமை காலை மா்மமான முறையில் இறந்து கிடந்தாா். இதையடுத்து அவரது இறப்பில் சந்தேகம் இருப்பதாகக் கூறி சடலத்தை வாங்க மறுத்து, செந்தில்முருகன் குடும்பத்தினா் மற்றும் மிளகனூா் கிராம மக்கள் திரண்டு மருத்துவமனை முன் தாயமங்கலம் சாலையில் மறியலில் ஈடுபட்டனா்.

தகவலறிந்து வந்த போலீஸாா் மறியலில் ஈடுபட்டவா்களிடம் பேச்சுவாா்த்தை நடத்தினா். அப்போது போலீஸாருக்கும் போராட்டம் நடத்தியவா்களுக்கும் இடையே தள்ளுமுள்ளு ஏற்பட்டது. இதனால் போலீஸாா் மறியலில் ஈடுபட்டவா்களை விரட்டியடித்தனா். மேலும் தள்ளுமுள்ளு சம்பவத்தில் ஈடுபட்ட சிலரை போலீஸாா் கைது செய்து பின்னா் விடுவித்தனா். இந்நிலையில் மறியலில் ஈடுபட்டதாக நூற்றுக்கும் மேற்பட்டோா் மீது பெயா்கள் குறிப்பிடப்படாமல் மானாமதுரை காவல் நிலையத்தில் வழக்குப் பதிவு செய்யப்பட்டுள்ளது.