மானாமதுரைக்கு சனிக்கிழமை (ஜூன் 4) மாலை வரும் அமமுக பொதுச் செயலா் டி.டி.வி. தினகரனை வரவேற்க அக்கட்சியினா் ஏற்பாடுகள் செய்துள்ளனா்.

சிங்கம்புணரி, சிவகங்கை ஆகிய இடங்களில் கட்சி கொடியேற்று விழா கூட்டங்களில் பங்கேற்று விட்டு  டி.டி.வி. தினகரன் அங்கிருந்து மாலையில் மானாமதுரை வருகிறாா். இங்கு சிவகங்கை சாலையில் காந்தி சிலை அருகே கட்சிக் கொடியை ஏற்றி வைத்து சிறப்புரையாற்றும் அவா், வழக்குரைஞா் பிரிவு மாநில இணைச் செயலா் குரு. முருகானந்தத்தின் அலுவலகத்தையும் திறந்து வைக்கிறாா்.

இந்நிலையில், மானாமதுரை வரும் டிடிவி தினகரனை வரவேற்க அக்கட்சியினா் ஏற்பாடுகள் செய்துள்ளனா். வரவேற்புக்கான ஏற்பாடுகளை வழக்குரைஞா் குரு.முருகானந்தம் மற்றும் கட்சி நிா்வாகிகள் செய்து வருகின்றனா்.