தாயமங்கலத்தில் கருணாநிதி பிறந்த நாள் விழா

சிவகங்கை மாவட்டம் இளையான்குடி ஒன்றியம் தாயமங்கலத்தில் முன்னாள் முதல்வா் கருணாநிதி பிறந்த நாளை முன்னிட்டு வெள்ளிக்கிழமை நரிக்குறவா் இன மக்களுக்கு போட்டிகள் நடத்தி பரிசுகள் வழங்கப்பட்டன.

கருணாநிதி உருவப்படத்திற்கு மானாமதுரை சட்டப்பேரவை உறுப்பினா் தமிழரசி மற்றும் திமுகவினா் மாலை அணிவித்தும் மலா்கள் தூவியும் மரியாதை செலுத்தினா். தொடா்ந்து கேக் வெட்டி, நரிக்குறவா் இன மக்களுக்கு வழங்கப்பட்டது. மேலும் நரிக்குறவா் இன மக்களுக்கான பல்வேறு விளையாட்டுப் போட்டிகள் நடைபெற்றன. அதில் சட்டப்பேரவை உறுப்பினா் தமிழரசியும் பங்கேற்று விளையாடினாா். போட்டிகளில் வெற்றி பெற்றவா்களுக்கும் மாற்றுத்திறனாளிகளுக்கான கிரிக்கெட் பெட்டியில் வென்றவா்களுக்கும் அவா் பரிசுகளை வழங்கிப் பேசினாா். மேலும் நரிக்குறவ இன மக்களுடன் சோ்ந்து இரவு உணவு சாப்பிட்டாா். இவ்விழாவில் இளையான்குடி சட்டப்பேரவை முன்னாள் உறுப்பினா் சுப. மதியரசன், தாயமங்கலம் திமுக செயலாளா் சத்தியேந்திரன், மாற்றுத்திறனாளிகள் சங்க மாநில நிா்வாகி புஷ்பராஜ் உள்ளிட்ட திமுக நிா்வாகிகள் கலந்து கொண்டனா்.