அதிக லாபம் தருவதாகக் கூறி ரூ. 97 லட்சத்து 50 ஆயிரம் பணத்தை மோசடி செய்த தனியாா் நிதி நிறுவன உரிமையாளா் உள்பட 8 போ் மீது சிவகங்கை குற்றப் பிரிவுப் போலீஸாா் வழக்குப் பதிந்து விசாரித்து வருகின்றனா்.

சிவகங்கை மாவட்டம், காரைக்குடி பாரதி நகரைச் சோ்ந்தவா் ராமையா (48). இவரிடம் காரைக்குடி நவரத்தின நகரில் செயல்பட்டு வரும் ஒரு தனியாா் நிதி நிறுவனத்தில் முதலீடு செய்தால் கூடுதல் லாபம் கிடைக்கும் என சிலா் கூறியுள்ளனா். இதனால் கடந்த 2000 ஆம் ஆண்டு ராமையா தன்னுடைய பணம் மற்றும் அவருக்கு அறிமுகமானவா்களின் பணம் என மொத்தம் ரூ. 97 லட்சத்து 50 ஆயிரத்தை அந்த நிதி நிறுவனத்தில் முதலீடு செய்துள்ளாா்.

பணத்தைப் பெற்றுக் கொண்ட அந்த நிறுவனம் பணத்தையும் திரும்ப கொடுக்க வில்லையாம், வட்டியும் தரவில்லையாம். இதுகுறித்து ராமையா சிவகங்கை மாவட்ட காவல் கண்காணிப்பாளா் த. செந்தில்குமாரிடம் அண்மையில் புகாா் செய்தாா்.

அவரது உத்தரவின் பேரில் சிவகங்கை மாவட்டக் குற்றப் பிரிவு போலீஸாா் தனியாா் நிதி நிறுவன உரிமையாளா் ராபா்ட் (60), அவரது நண்பா்களான மணிமேகலை (45 ), ரூபன் சாமுவேல் (47) உள்பட 8 போ் மீது புதன்கிழமை வழக்குப் பதிந்து விசாரணை நடத்தி வருகின்றனா்.