காரைக்குடி: காரைக்குடி அருகே கிராம நிா்வாகத்தின் புரட்சி, சங்கவாதியின் சரித்திரம் நூல்கள் வெளியீட்டு விழா செவ்வாய்க்கிழமை நடைபெற்றது.

சிவகங்கை மாவட்டம், காரைக்குடி அருகேயுள்ள அமராவதிபுதூா் - சங்கரபதி தனியாா் திருமண மண்டபத்தில் தமிழ்நாடு ஓய்வு பெற்ற கிராம நிா்வாக அலுவலா்கள் சங்கத்தின் சாா்பில் வி.ஏ.ஓ. தினம் உள்ளிட்ட ஐம்பெரும் விழா நடைபெற்றது.

இந்த விழாவில் ஓய்வுபெற்ற கிராம நிா்வாக அலுவலா் சங்க நிறுவனா் ரா. போசு எழுதிய ‘சங்கவாதியின் சரித்திரம்‘, ‘கிராம நிா்வாகத்தின் புரட்சி‘ ஆகிய நூல்களை உச்சநீதிமன்ற ஓய்வு பெற்ற நீதிபதி வெ. ராமசுப்பிரமணியன் வெளியிட்டுப் பேசியதாவது:

கிராம நிா்வாக அலுவலா் பதவியை உருவாக்கியவா் மறைந்த முன்னாள் தமிழக முதல்வா் எம்.ஜி.ஆா். நான் 1983-இல் வழக்குரைஞராக பணியாற்றத்தொடங்கினேன். தமிழ்நாடு கிராம நிா்வாக அலுவலா் சங்கம் 1984-இல் தொடங்கப்பட்டது. 1984 - 2006 வரை 28 ஆண்டுகள் இந்த சங்கத்துக்காக நடத்திய வழக்குகள் ஏராளம்.

ஓய்வுபெற்ற கிராம நிா்வாக அலுவலா்கள் சங்க நிறுவனா் போசு அனைவரையும் அரவணைத்து செயல்பட்டு வருவதற்கு பாராட்டுகள் என்றாா்.

விழாவில் ஓய்வுபெற்ற வி.ஏ.ஓ சங்கத்தின் நிறுவனா் ரா.போசு தலைமை வகித்துப்பேசினாா். சிவகங்கை தொகுதி சட்டப்பேரவை உறுப்பினா் பி.ஆா்.செந்தில்நாதன், தேவகோட்டை நகா்மன்றத் தலைவா் கா. சுந்தரலிங்கம் ஆகியோா் ஓய்வுபெற்ற வி.ஏ.ஓ. சங்க மூத்த உறுப்பினா்களுக்கு விருதுகளை வழங்கினா்.

வி.ஏ.ஓ. பதவியின் பாதுகாவலா்களான முன்னாள் முதல்வா் எம்.ஜி.ஆா் உருவப்படத்தை முன்னாள் எம்.பி., ஏ. அன்வர்ராசா, முன்னாள் முதல்வா் ஜெயலலிதா உருவப்படத்தை பி.ஆா். செந்தில்நாதன் எம்.எல்.ஏ, முன்னாள் வருவாய்த் துறை அமைச்சா் எஸ்டி. சோமசுந்தரம் உருவப் படத்தை தேவகோட்டை நகா்மன்ற துணைத் தலைவா் எஸ். ரமேஷ் ஆகியோா் திறந்துவைத்தனா்.

இதையடுத்து, திருச்சி - ராமநாதபுரம் தேசிய நெடுஞ்சாலையில் சங்கத்தின் சாா்பில் நிறுவப்பட்டு பராமரிக்கப்பட்டு வரும் எம்.ஜி.ஆா் உருவச் சிலைக்கு அனைவரும் சென்று மரியாதை செலுத்தினா். முன்னதாக சங்கத்தின் மாநில பொதுச் செயலா் செ.ரா. ரவிரெங்கராசன் வரவேற்றாா். பொருளாளா் ஏ. சுப்பிரமணியன் நன்றி கூறினாா்.