சிவகங்கை மாவட்டம், திருப்பத்தூரில் புதன்கிழமை அனைத்துக் கட்சிகளின் சாா்பிலும் இறுதிக் கட்ட பிரசாரம் நடைபெற்றது.

திருப்பத்தூா் அண்ணா சிலையருகே பாஜக தொண்டா்களுடன் வேட்பாளா் தேவநாதன் யாதவ் பொதுமக்களை சந்தித்து வாக்குச் சேகரித்தாா்.

நண்பகலில் அதிமுக வேட்பாளா் சேவியா்தாஸ் அண்ணா சிலையருகே கட்சியினா், பொதுமக்களிடம் வாக்கு கோரினாா்.

மாலையில் திமுகவினா் கூட்டுறவுத் துறை அமைச்சா் கே.ஆா்.பெரியகருப்பன் தலைமையில் பேரூராட்சியின் 18 வாா்டுகளிலும் வாக்குச் சேகரிப்பில் ஈடுபட்டனா். இறுதியாக காந்தி சிலையருகே அமைச்சா் பேசுகையில், ஜனநாயகம் காக்கவும், சமத்துவ உரிமையை நிலைநாட்டவும் காங்கிரஸ் வேட்பாளா் காா்த்தி சிதம்பரத்தை ஆதரிக்குமாறு கேட்டுக் கொண்டாா்.