சட்டவிரோதமாக மது விற்பனை: 3 போ் கைது

சிவகங்கை: சிவகங்கை அருகே சட்டவிரோதமாக மதுபானம் விற்பனை செய்ததாக மூவரை போலீஸாா் ஞாயிற்றுக்கிழமை கைது செய்தனா்.

மகாவீா் ஜெயந்தியை முன்னிட்டு, தமிழகம் முழுவதும் மதுக் கடைகளுக்கு அரசு விடுமுறை விடப்பட்டது. இந்த நிலையில், சிவகங்கை அருகே சட்டவிரோதமாக மதுபான விற்பனை நடைபெறுவதாக போலீஸாருக்கு ரகசியத் தகவல் கிடைத்தது.

இதையடுத்து, தனிப்படை போலீஸாா் சிவகங்கை அருகேயுள்ள கல்குளம் விலக்கு பகுதியில் சோதனையிட்டனா். அப்போது, செந்தில் என்பவா் இருசக்கர வாகனத்தில் வைத்து மது விற்பனை செய்ததும், அவா் சிவகங்கை பேருந்து நிலையம் எதிரே உள்ள மதுக் கடையில் விற்பனையாளராகப் பணியாற்றுவதும் தெரியவந்தது. இதையடுத்து, அவரை போலீஸாா் கைது செய்து, 28 மதுப் புட்டிகளைப் பறிமுதல் செய்தனா்.

இதேபோல, சிவகங்கை அருகேயுள்ள பையூா் முந்திரிக்காடு பகுதியில் சிவகங்கை நகா் காவல் நிலைய உதவி ஆய்வாளா் இளையராஜா தலைமையிலான போலீஸாா் சோதனை நடத்தினா். அப்போது, அங்கு மதுபானம் விற்பனை செய்து கொண்டிருந்த கௌரிப்பட்டி பகுதியைச் சோ்ந்த ஆ. சந்தானகுமாரை (23) கைது செய்து, அவரிடமிருந்து 12 மதுப் புட்டிகளைப் பறிமுதல் செய்தனா்.

சிவகங்கை கொட்டகுடி பகுதியில் நகா் காவல் நிலைய உதவி ஆய்வாளா் ஹரிகிருஷ்ணன் தலைமையிலான போலீஸாா் மேற்கொண்ட சோதனையில், அங்கு மதுபானம் விற்பனை செய்து கொண்டிருந்த சிவகங்கை பவுன்ட் தெருவைச் சோ்ந்த கே.சதீஷ்பாண்டியனை (32) கைது செய்து, அவரிடமிருந்து 10 மதுப்புட்டிகளைப் பறிமுதல் செய்து விசாரணை மேற்கொண்டுள்ளனா்.