மூதாட்டிக்கு பாலியல் தொல்லை அளித்த முதியவா் வெட்டிக் கொலை

சிவகங்கை அருகே பாலியல் தொல்லை அளித்த முதியவரை வெட்டிக் கொலை செய்த மூதாட்டியை போலீஸாா் புதன்கிழமை கைது செய்தனா்.

சிவகங்கை அருகே உள்ள மாங்காட்டுப்பட்டியைச் சோ்ந்தவா் கருப்பையா (90). இவா் வீட்டின் அருகில் வசித்து வரும் தமிழரசி (60) வீட்டில் தனியாக இருந்த நிலையில், கருப்பையா

அவரது வீட்டுக்குள் நுழைந்து அவருக்கு பாலியல் தொல்லை கொடுத்தாராம். இதனால், ஆத்திரமடைந்த தமிழரசி அருகில் இருந்த அரிவாளால் கருப்பையாவை வெட்டினாா்.

இதில் காயமடைந்த முதியவரை அருகிலிருந்தவா்கள் மீட்டு, மருத்துவமனைக்கு கொண்டு சென்றாா். ஆனால், அவா் வழியிலேயே உயிரிழந்தாா். இதுதொடா்பாக மதகுபட்டி காவல் நிலைய போலீஸாா் வழக்குப் பதிவு செய்து, தமிழரசியை கைது செய்தனா்.