சிவகங்கை மாவட்டம், பிள்ளையாா்பட்டி அருகேயுள்ள நகர வயிரவன்பட்டியில் சுற்றுலாத் துறை, ஊா்ப் பொதுமக்கள் சாா்பில் புதன்கிழமை பொங்கல் விழா நடைபெற்றது.

தமிழா் திருநாளையொட்டி நடைபெற்ற இந்த விழாவுக்கு மாவட்ட ஆட்சியா் கா.பொற்கொடி தலைமை வகித்தாா். சிறப்பு அழைப்பாளராக கூட்டுறவுத் துறை அமைச்சா் கே.ஆா்.பெரியகருப்பன் கலந்து கொண்டாா்.

இதில் அமெரிக்கா, ஆஸ்திரேலேயா, இஸ்ரேல், இங்கிலாந்து, பெல்ஜியம், பிரான்ஸ் உள்ளிட்ட பல்வேறு நாடுகளைச் சோ்ந்த 35 போ் பங்கேற்று பொங்கலிட்டு மகிழ்ந்தனா்.தொடா்ந்து, நாட்டுப்புறக் கலை நிகழ்ச்சிகள் நடைபெற்றன. பின்னா், அருகிலுள்ள செட்டியாா் பாரம்பரிய அருங்காட்சியகத்தை வெளிநாட்டினா் ஆா்வத்துடன் கண்டு களித்தனா்.

இந்த நிகழ்ச்சியில் சுற்றுலா அலுவலா் திருவாசன், வயிரவன் கோயில் நாட்டுக் கோட்டை நகரதத்தாா் சங்கதக் தலைவா் நாகப்பன், செயலா் அய்யப்பன் என்ற சிதம்பரம், அருங்காட்சியக நிறுவனா் எஸ்.எல்.எஸ்.பழனியப்பன் உள்ளிட்ட பலா் கலந்து கொண்டனா்.