அரசு கல்லூரி  கட்டுமானப் பணி: தேனி ஆட்சியர் ஆய்வு

தேனி  வீரபாண்டி அருகே புதிய அரசு கலை மற்றும் அறிவியல் கல்லூரி கட்டுமானப் பணிகளை வியாழக்கிழமை மாவட்ட ஆட்சியர் ம.பல்லவி பல்தேவ் பார்வையிட்டு ஆய்வு செய்தார்.
வீரபாண்டி அருகே தப்புக்குண்டு சாலையில் ரூ.7.25 கோடி மதிப்பில் புதிய அரசு கலை மற்றும் அறிவியல் கல்லூரிக்கான கட்டுமானப் பணிகள் நடை
பெற்று வருகிறது. பொதுப் பணித்துறை சார்பில் நடைபெறும் கல்லூரி கட்டுமானப் பணிகளை ஆட்சியர் ம.பல்லவி பல்தேவ் பார்வையிட்டு ஆய்வு செய்தார். 
மாவட்ட வருவாய் அலுவலர் ச.கந்தசாமி, பொதுப் பணித்துறை கட்டுமானம் மற்றும் பராமரிப்பு பிரிவு உதவி பொறியாளர் அப்பாஸ், தேனி வட்டாட்சியர் சத்தியபாமா ஆகியோர் உடனிருந்தனர்.