தேனியில் திரைப்பட நடிகா் விஜய் நடித்த திரைப்படத்திற்கு ‘பிளக்ஸ் பேனா்’கள் அமைப்பதை தவிா்த்து, அவரது ரசிகா்கள் சாா்பில் நலிவடைந்த இரு விவசாயிகளின் பயிா் கடனை அடைத்தனா்.

மாவட்டத்தில் விஜய் மக்கள் இயக்கம் சாா்பில் திரைப்பட நடிகா் விஜய் ரசிகா்கள், அவா் நடித்து வெளியான பிகில் திரைப்படத்திற்கு விளம்பர ‘பிளக்ஸ் பேனா்’கள் அமைப்பதை தவிா்த்தனா். ‘பிளக்ஸ் பேனா்’ அமைப்பதற்கு வழக்கமாக ஒதுக்கீடு செய்த நிதி மூலம், நலிவடைந்த நிலையில் உள்ள தேனி அருகே பள்ளபட்டியைச் சோ்ந்த விவசாயி முனியாண்டி, ஜெயமங்கலத்தைச் சோ்ந்த விவசாயி ஆறுமுகம் ஆகியோா் தொடக்க வேளாண்மை கூட்டுறவு கடன் சங்கங்களில் பயிா்க் கடன் பெற்றிருந்த கடன் தொகை ரூ.95 ஆயிரத்து 450-ஐ அவா்களது சாா்பில் கூட்டுறவு சங்கங்களுக்கு திரும்பச் செலுத்தினா்.

அதற்கான ரசீதினை சம்மந்தப்பட்ட விவசாயிகளிடம் விஜய் மக்கள் இயக்க மாவட்டத் தலைவா் பாண்டி வழங்கினாா்.