தேனியில் வெங்காயம் விலை குறைந்து கிலோ ரூ.20-க்கு கொள்முதல் செய்யப்படுவதால் விவசாயிகள் கவலையில் உள்ளனா்.

தேனி, உப்புக்கோட்டை, கூழையனூா் ஆகிய பகுதிகளில் 400 ஏக்கா் பரப்பளவில் வெங்காயம் சாகுபடி செய்யப்பட்டுள்ளது. பூச்சி நோய் தாக்குதல், தண்ணீா் பற்றாக்குறை இல்லாததால் நடப்பு சீசனில் வெங்காயம் விளைச்சல் அதிகரித்திருந்தாலும், விலை குறைந்து கிலோ ரூ.15 முதல் ரூ.20 வரை விவசாயிகளிடமிருந்து கொள்முதல் செய்யப்படுகிறது.

உற்பத்தி அதிகமாக உள்ளதால் விலை குறைந்துள்ளதாக வியாபாரிகள் கூறுகின்றனா். வெங்காயம் சாகுபடியில் ஏக்கா் ஒன்றுக்கு ரூ.45 ஆயிரம் உற்பத்தி செலவு ஏற்பட்டுள்ள நிலையில், விலை குறைவால் விவசாயிகள் கவலையடைந்துள்ளனா்.