போடி சிவன் கோயில்களில் சிறப்பு வழிபாடு

சனி பிரதோஷத்தையொட்டி, போடி பழை பேருந்து நிறுத்தம் அருகே அமைந்துள்ள கொண்டரங்கி மல்லையசாமி கோயிலில் சிறப்பு வழிபாடு நடைபெற்றது. இங்குள்ள ஆறடி உயர சிவலிங்கத்துக்கு பல்வேறு பொருள்களால் திருமஞ்சன அபிஷேகம் நடைபெற்றது.

போடி வினோபாஜி குடியிருப்பு மீனாட்சி சுந்தரேசுவரா் கோயிலில் சுவாமிக்கு 9 வகையான தீபாராதனைகள் நடைபெற்றன.

இதேபோல, போடி சுப்பிரமணியசுவாமி கோயிலில் உள்ள நடராஜா் சந்நிதி, கீழச்சொக்கநாதா் கோயிலில் சனி பிரதோஷ சிறப்பு பூஜை நடைபெற்றது.