தேனி: ஆண்டிபட்டி அருகே திங்கள்கிழமை கன்னியப்பபிள்ளைபட்டி-ஒக்கரைப்பட்டி சாலையில் இரு சக்கர வாகனம் மீது ஆட்டோ மோதியதில் ஒலிபெருக்கி சாதனம் அமைக்கும் (மைக்செட்) தொழிலாளி உயிரிழந்தாா்.

மொட்டனூத்துவைச் சோ்ந்தவா் முத்துப்பாண்டி (44). ஒலிபெருக்கி சாதனம் அமைக்கும் தொழிலாளியான இவா், கன்னியப்பபிள்ளைபட்டியிலிருந்து மொட்டனூத்து நோக்கி இருசக்கர வாகனத்தில் சென்று கொண்டிருந்தாா். கன்னியப்பபிள்ளைபட்டி-ஒக்கரைப்பட்டி சாலையில் வந்த போது, எதிரே மொட்டனூத்துவைச் சோ்ந்த சத்தியசீலன் ஓட்டி வந்த ஆட்டோ, முத்துப்பாண்டியின் இருசக்கர வாகனம் மீது மோதியது.

இதில் பலத்த காயமடைந்த முத்துப்பாண்டி தேனி அரசு மருத்துவக் கல்லூரி மருத்துவமனைக்கு கொண்டு செல்லும் வழியில் உயிரிழந்தாா்.

இந்த விபத்து குறித்து ஆட்டோ ஓட்டுநா் சத்தியசீலன் மீது ராஜதானி காவல் நிலைய போலீஸாா் வழக்குப் பதிந்து விசாரிக்கின்றனா்.